- politics
- Egypt
- مقالات بالعربي
- english posts
- black wednesday
- photos
- Jan25
- announecments and statements
- black saturday
- a7a department
- protests
- antitorture
أسف جدا على نشر معلومات خاطئة، عبد المنعم متقبضش عليه و مسلمش نفسه، هو كان بيفكر يسلم نفسه بعد اقتحام منزله و تحرش الأمن بوالده المسن لكن بما أن مفيش أي قرار من النيابة بالقبض عليه يبقى الاقتحام ده كان بغرض اختطاف غير مشروع، منعم حاليا مطارد و أنا بصراحة قلقان عليه و على والده جدا.
الكلاب ولاد الكلاب قبضوا على صديقي المدون الأخواني عبد المنعم محمود.
أنا لسه عارف الخبر دلوقتي من عبد المنعم نفسه، اقتحموا بيته و ملقهوش، فيا دوبك أخطر الناس أنه هيتقبض عليه و بعدها سلم نفسه لأمن الدولة و معنديش أي تفاصيل غير ايميل سريع بعته منعم نفسه قبل القبض.
ضروري المدونين المهتمين يبدأوا حملة تضامن.
سبق أن اعتقل عبد المنعم على خلفية قضية i2 و كان من القلة اللي تم تعذيبهم وقتها
منعم له دور رئيسي في الحملة ضد المحاكمة العسكرية لقيادات الأخوان و غالبا القبض عليه الغرض منه اسكات الحملة، أظن أقل واجب أننا نوريهم أن القبض على شخص واحد مش كافي لاسكات حملة زي دي.
التنين البمبي بيمسي على العمرانية
Comments
هل معروف سبب
هل معروف سبب الاعتقال؟
Rami Sedhom
http://ikhnaton2.com
بمعنى؟ السبب
بمعنى؟ السبب الفعلي ولا السبب الرسمي؟
لسه منعرفش هو فين فمنعرفش أي تفاصيل عن التحقيقات معاه، لكن امبارح تم القبض على تسعة من الأخوان و اتحقق معاهم تحت نفس المحضر اللي بتاع الأزهر (و دي نفس القضية اللي هتحول للمحكمة العسكرية)، هننشر التفاصيل أول ما توصلنا.
أما بخصوص السبب الفعلي فكل اللي نقدر نعمله أننا نخمن، منعم صحفي و كل دوره داخل الأخوان اعلامي، و اللي متابع يلاحظ الفرق الشاسع في أداء حملة التضامن مع معتقلي الأزهر قبل منعم ما يشارك بشكل فعال و الحملة الحالية بعد قرار التحويل للمحاكمة العسكرية. فتخميني أنهم عاوزين يسكتوا الحملة قبل بدء فعاليات المحاكمة العسكرية الفعلية.
المؤكد أنه مش عشان غرق عبارة ولا عشان أكياس دم فاسدة ولا عشان تعذيب ولا عشان أسمدة مسرطنة ، معتقل سياسي و غالبا سجين رأي كمان (بما أن دوره اعلامي بالأساس).
والله كلنا عشمانين وبنحبك يا مصر
يارب ترجع بالسلامه ... يارب.................
الحرية للأحرار
الحرية لعبدالمنعم ولكل الشرفاء الأحرار
... Blogger "Abd El Monem
... Blogger "Abd El Monem Mohmoud" arrested ...
الحمد لله منعم
الحمد لله منعم لسه مسلمش نفسه
http://ensaa.blogspot.com/2007/04/blog-post_3555.html
اظن ان إدراج
اظن ان إدراج اسم عبد المنعم فى القضية تأديب ليه لأن ذكر اسم الرائد محمد البرعى اللى هو الان المقدم البرعى
فى احداث مذبحة جامعة الاسكندرية وبالطبع ذكره لاحداث الاخوان نفسم يخافون الحديث فيه وتذكير الناس بدم محمد السقا وعنف الامن ده سبب كفيل بحبسه واعتقاله
الحرية والثمن الصعب
تحية من القلب الى كل الشرفاء الذين تمسكوا بدفع مهر الحرية
تحية خالصة الى عبد المنعم
الذي انعم الله عليه بحب البلاد
تحياتي لكل من امتلك قلباً أحب مصر