You are here

هتجن يا ريت يا أخوانا مرحتش لوندون ولا باريز

Primary tabs

زكريا أحمد و بيرم التونسي

هتجن باريت يا خوانا مارحتش لندن و الا باريز
ده بلاد تمدين و نضافة و ذو ق و لطافة و حاجة تغيظ
مالا قيتش جدع متعافي و حافي و ماشي يقشر خص
و لا شحط مشرمخ أفندي معاه عود خلفة و نازل مص
و لا لب أسمر و سوداني و حمص و انزل يا تقزيز
هتجن باريت يا خوانا مارحتش لندن و الا باريز

و لا عركة في نصف الليل دايرة بالحيل و ساحبها بوليس
قدامها جدع متجرجر و شه معور قال ده عريس
الخلق ما هي بتتجوزو اشمعنا احنا مافيش تمييز
هتجن باريت يا خوانا مارحتش لندن و الا باريز

و لا واحدة في وش الفجر تيرطع ماليه الدنيا صوات
قال ايه جوز خالتي ام أحمد سلفة أخوها السيد مات
سبحانك مأ عظم شانك و الله الموت ده مفيد و لذيذ
هتجن باريت يا خوانا مارحتش لندن و الا باريز

و لاصايع طالع يجري وصايع تاني بيجري وراه
و يقول هاع حصلتك يابن الأبصر ايه عاملاه
لا شارع غيط يا خوانا و لا احنا بدارة و لا احنا معيز
هتجن باريت يا خوانا مارحتش لندن و الا باريز

و لا حد يبييع حاجة يقول بريال و تأخدها بصاغ
يا خوانا حتى الابرة تاخدها بدوشة و قلب دماغ
حلفان و عراك و مناهدة و يمكن ضرب كفوف يا حفيظ
هتجن باريت يا خوانا مارحتش لندن و الا باريز

و لا فيش ميت الف صعيدي هاجميين و لا فيش
ميت الف معوض داعس جاي معاه صندوق ورنيش
و الله كرهت القهوة و حرمت أقعد عالأفاريز
هتجن باريت يا خوانا مارحتش لندن و الا باريز

و لا شفتش ده اللي بلاسة و ده اللي بعمة و ده بطربوش
ملابسنا يا ناس تشكيلة تعد اصحابها ما يتعدوش
دول ناس كنا أحسن منهم قول و مسيرنا باذن الله
نبقى احسن منهم برضك بعد الدرس اللي أخدناه
و الله ده عيب نتهجى دروس يأساتذة على التلاميذ
هتجن ياريت يا خوانا مارحتش لندن و الا باري

Comments

Hi Alaa, thanks for this song...ana hatgan ba2ali yomein trying to embedd a song in a post like you did here but I failed miserably. Couldn't find proper music hosting space either. I also tried going to the website of the player you use bas mafish fayda. Any help please? Would really appreciate it, thanks.

I'm using a feature in drupal to upload the song and provide this player, so the song is hosted here my server.

Drupal Audio Player ??

اناعايز من ده

!!

enable audio module, bas wait keda a couple of days cause we are about to upgrade everyone to drupal 5

أنا عاوز موسيقى سيد درويش ميدي! ما ليش أمل غير أن يكون موسيقي من ال ليهم في التأليف بالكمبيوتر عملها. في كمان برمجيات تخلينا ندخل الرموز الموسيقية بتاعة النوتة و هي تلعبها بس أنا ما ليش في الموضوع دا. حد عنده فكرة؟

كلم ميسرة في الموضوع ده أو أحصل على النوتات و أنا ألاقيلك اللي يدخلها

بس كده .. وأيه يعنى! نسمع الميلودى، نكتبها، وندخًلها بـ"ربطة ليلى" (ليليبوند يعنى) أو بأى برنامج تانى عشان الميدى! بس كده، خلاص. بس مييين اللى راح يعمل الحكايه دى بقى؟! وعشان خاطر أيه مثلاً؟!!!

I guess if you try to contact m.hassan Elbahr Darwish the grandson of sayed darwish he may help you to do this. He already established long time ago a children chorus for sayed Darwish music in sporting Club in Alexandria http://www.sayeddarwishelbahr.com/Coral.htm so maybe he has already the music written in notes

This site maybe a good way to reach him http://www.sayeddarwishelbahr.com/index.htm if you are serious about it I guess you may compromise in a way :) he is not the most fun person to deal with he's a little bit harsh (and classical) about the way sayed Darwish music is presented. You may give it a try or you may try to contact one of the member of the chorus even i dont think they used notes.

Anonymous,

Can you please explain how he is harsh about the way Sayed Darwish music is presented? What does he say about it? Thanks.

مقارنة بين هاتجن ياريت يا اخوانا وبين باحبك يا حمار

طبعاً زكريا احمد يكسب فنياً

لكن الإثنين يتقاوتون فى التفاهة وفى التأثر بالآخر

حيث باحبك يا حمار يتميز بأكبر قدر من التفاهة بينما لا يتأثر بأى حضاريين

ولكن زكريا أحمد ليس تافهاً على الأقل بل منتقداً أحوالاً سلبية ولكن للأسف بنظرة باريزية

هتجن باريت يا خوانا مارحتش دبى و الا مسقط

خلينا فى مصر أحسن

دبي؟ دبي في زمن زكريا أحمد و بيرم التونسي؟

مش غريبه انك مانقيتش غير دى بالذات ؟

;-)

هي جأت بمناسبة تدوينة ماعت عن باريس و تدوينتي اللي أحداثها في لندن لا أكثر، لندن مدينة كريهة الحياة فيها لا تطاق و القاهرة بالنسبة لها جنة.

حرام عليك!

تلاقيك بس اتزنقت في متاهة الضواحي السكنية ال كلها شبه بعض و ما عرفتش تلاقي الحتت الظريفة و لو أنت مش من هواة الهدوء و الخضرة و الأشنات على الأشجار و بس فأكيد مش هتنبسط.

يا ريت تبقى القاهرة كريهة زيها...

انا ما رحتش باريس، لكن ال راحوا الاثنين بيقولوا ان باريس هي ال لا تطاق، لكن بما أني لا أثق في حكم الناس في الحاجات اتل زي دي فأنا مش مهتم قوي لغاية ما أشوف بنفسي.

يااه يا علاء

دي جميلة جدا والله

العصر ده فعلا كان عصر الروائع

شايف المقارنة في عين راجل شعبي بسيط مؤثر جدا