Manal and Alaa's bit bucket free speech from the bletches

اضهاد ايه الي انت جاي تقول عليه الاضهاد ده حاجه تانيه الاضهاد هوا الي كان بيعملوا هتلر مع الاجناس من غير الجنس الاري و الي عملوا الشيوعيين مع اصحاب التوجهات المخالفه

بس الي بيحصل في مصر حاجه تانيه خالص احنا الي بنشوفو في مصر حاجه ممكن اسميها قانون المدينه وده الامتداد الطبيعي لقانون الغابه يعني القوي ياكل الضعيف بس بطريقه ممكن تتماشى مع الطبيعه المدنيه الي عايشنها القانون ده صدق عليه الشعب المصري بكافه طواءفه مسلمين و مسايحه تجار و موظفين اغنيه و فقرا صعايدا و بحراويه كله طب ما رجال الاعمال والتجار الكبار دايسين على رقبه الفقرا وعايزين يمصو دمهم لاخر نقطه ولو الفقير بقى غني و متحكم هيبقى زيهم و اكتر ودا بيحصل في الحقيقه واالحكومه مبهدله البلد والشعب بس في ناس كتير من الشعب لو مسكو البلد هيبوظوها اكتر ماهي بايظه الناس ماشيه في الشوارع مدججه بالاحقاد و العقد في مجتمع قانون المدينه هو السائد قانون القوي فيه يدوس على الضعيف دا قانون بيتعامل بيه كل الي عايشين في مصر

علشان كدا مش لازم نبص للمشاكل بين المسلمين و المسيحيين من منظور الاضطهاد الديني الضيق ما هو الحكومه مضيقه على الشعب والاهلاويه بيتخانؤ مع الزملكاويه سواق المكروباص مبهدل الزباين و دكتور الجامعه قارف الطلبه كله بيستغل سلطته لاقصى قدر للسيطره و التحكم في الاخر و الادهى ان المسايحه لو مكان المسلمين كانو هيعملوا اكتر من كده

يا عم مش الاقباط بس اللي مضطهدين الشيوعيين مضطهدين الاخوان مضطهدين اخواننا بتوع كفايه بيتفشخوا كل المعارضه او كل جماعه ليها انتماء سواء ديني او فكري مضطهده فمتكبروش موضوع موجود من سنين و اساسه مش النصاري لا اساسه انهم جماعه جوا الدوله ليهم انتماء معين زي جماعات الجهاد و الجماعه الاسلاميه او زي الشعب المصري ما هو كله مضطهد و بعدين ما هو يوميا فيه مسلمين بتقتل بعض و لا عشان هما زي بعض في الدين مبيبقاش اضطهاد؟؟؟؟؟ بلاش التفكير ده لان احنا لو الموضوع ده كبر لو حرب قامت في البلد هيكون مصيرنا زي العراق السنه بتضرب في الشيعه و الامريكان بيتفرجوا بلاش بلاااااااااااااااااااااااااااااااااااااااااااااااااااااااااااااش

هل من حق المسيحي ان يتزوج مسلمة ؟ نعم في حالة تغيير الديانة الى مسلم وهل من حق المسلم ان يتزوج مسيحية ؟ نعم بدون تغيير الديانة ؟ هل اولاد المسيحية المتزوجة مسلما يكونون مسيحيين او مسلمين ؟ الاجابة مسلمين بالطبع ولما يموت الزوج المسلم ..مؤكد يروح الجنة والزوجة المسيحة حاتروح النار وكل منهما سوف يدفن مه اهله الاصليين في مقابرهم الاصلية ويا دار ما دخلك شر. هل اذا عاكس او رافق او احب مسلم مسيحية يقوم المسيحيون بحرق محلات المسلمين ؟الاجابة بالنفي وعشان اكون دقيق اقول احتمال ضعيف .. واذا حدث هذا من مسيحي ؟ الاجابة مؤكد الحرق والبهدلة .. وقد حدث حرق وتهديد بالقتل في المنيا ( على ما اظن ) والولد المسيحي هرب ! هل يعرف المسيحيون في مصر اشياء عن التاريخ الاسلامي وعن القرآن ؟ الاجابة باللإيجاب فهي مقررة في المناهج الدراسية . هل يعرف المسلمون اشياء عن الديانة المسيحية وعن الحضارة والثقافة القبطية ؟ الاجابة بالنفي الا ما جادت به قريحة القرضاوي ومن لف لفهم والا اذا بذل مسلم جهدا خاصا من منازلهم ماذا يعرف المسلمون في مصر بشكل عام وصحصيح عن الاقباط والأقباط بشكل عام وصحيح عن حياة وديانة الآخر الأجابة : تفاهات لا تقترب من الحقيقة ! ايه الحكاية إذن ؟ لماذا هذا الرفض الواضح من الجانبين للآخر ؟ يعيشون في بلد واحد وشارع واحد وعماراة واحدة وتحت حكم واحد وحينما يموتون يدفنون في مقابر مختلفة .. وكل منهم مقتنع انه متجه الى الجنة والآخر الى النار . هنا مربط الفرس .. سيبك من ان الحكومة لا تفرق بين مسلم ومسيحي في الظلم وسيبك انه مش ممكن يكون رئيس الدولة مسيحي وكل الحاجات دي الموضوع موجود اساسه في الدين دين المسلم يعلمه الكراهية للاخر غير المسلم ودين المسيحي يعلمه كراهية الآخر غير المسيحي الاختلاف في الكراهية في الدرجة فقط وكل ما يقال عن اننا حلوين وبنحب بعض وان اليهود والامريكان هم اللي بيخلونا ندبح بعذض ..ده كلام فارغ ارجعوا الى الأصل .. الى الدين فكرة الدين من الأساس هي الغاء الآخر اليهودية الغت حتى الشعوب الاخرى وققرت ان ربنا بتاع اليهود بس اختارهم من دون شعوب الأرض المسيحية جاءت من رحم اليهودية وتهدف الى الغائها واعتبار ان الديانة الجديدة حلت محل القديمة .. وعشان كده اطلقت على نفسها " العهد الجديد " بدلا من " العهد القديم " واللي مش مصدق يفتح الكتاب المقدس . جاء الاسلام ليلغي ما سبقه من يهودية ومسيحية وكان واضح بان الرسول هو " خاتم الأنبياء " يعني احنا آخر كلام وما فيش حاجة من بعدنا . وحينما يطالب البعض بالغاء خانة الدين من البطاقة ، يحتج الكثيرون .. احتجاج غير مفهوم .. الحجة الوحيدة " احتمال ان مسيحي عاوز يتزوج مسلمة وبالتالي لما يروح الشهر العقاري مش حا يقشوه ! " ياسلام يعني لما يروح جرجس باسمه الثلاثي وزينب باسمها الثلاثي ومعاهم الشهود ويدعي جرجس انه مسلم الراجل بتاع الشهر العقاري حايروح مزوجه على طول باعتبار ان زينب مش هامهما اهلها وجرجس ضارب اهله بالجزمة عشان الحب اللي ما حصلش . طيب وحايعيشوا فين ؟ والجيران مش حايعرفوا .. حتى لو يغيروا بلدهم من اسيوط للقاهرة .. ما حدش حايعرف .. وكل واحد منهم لما يموت حايدفنوه فين ؟ يا الله على اللخبطة اللي حاتحصل باعتبار ان ملاك الموت او الثعبت الأقرع حايتلخبط مع جرجس الل خم موظف الشهر العقاري والحانوتي وبالتالي حايخم مسؤاي الآخرة بما فيهم ربنا ويحشروه مع امة محمد . عشان كده حفظا للدوسيهات الفوقانية من خديعة جرجس عبد المسيح فلتاؤوس قررنا الاحتفاظ بخانة الديانة في البطاقة اللي يمكن تزويرها بمائة جنيه حسب اخر تسعيرة سؤال للفقهاء : زوجات الرسول جميعهن لهن مقامات في اماكن مختلفة في البلاد الاسلامية ؟ هل يوجد مقام او ضريح لماريا القبطية ؟ سؤال ثاني جميع زوجات الرسول لهن باع في الاحاديث التي قلنها نقلا عن الرسول .. اشمعنى ماريا القبطية التي حتى لا تمتع بلقب " سيدة " مثل السيدة عائشة والسيدة نفيسة .. الى آخره

ثم ان ما يقال عن الإضطهاد واقع على الشعب المصري كله مسلمين ومسيحيين فهذا كلام فارغ .. المسلمون يتمتعون بامتيازات لا يتمتع بها الاقباط ..اول هم حكاية الديانة في البطاقة اللي بتحدد موقف الموظف منك مباشرة وتاني هم موضوع التعينيات ابتداء من الجامعة وانتهاء برئاسة الجمهورية .. ليس من حق قبطي ترشيح نفسه لرئاسة الجمهورية لأن المادة الثانية من الدستور تنص على ان الشريعة الاسلامية هي مصدر القوانين ..الى آخره فكيف يمكن لرئيس جمهورية مسيحي ان يقترح قوانين متعارضة مع الشريعة ؟ ا ونحن نعرف ماذا يحدث في الجامعات من كوسة عدم تعيين الأقباط هذا بالإضافة الى المناصب الحساسة في القضاء والجيش والشرطة .حايجي واحد يقول لي خد عندك بطرس غالي كان وزير دولة للشؤون الخارجية او حاجة زي كده .. ارد واقول ان المقصود بهذا هو اعطاء مسكنات مؤقتة للغرب وللمسيحيين في مصر وتمهيدا كمان لترشيحه بالاتفاق مع الامريكان سكرتيرا للامم المتحدة حيث كانت فترته اسوأ الفترات وهو السكرتير الوحيد الذي لن يقضي سوى مدة واحدة وروحوه على امه بعد كده ..رابع هم انك تقدر تبني مسجد او زواية او مصلاية في اي مكان انت عاوز بعكس انك ما تقدرش حتى تجيب شوية قبط يصلوا في الشقة في بيتك والا يحرقواهالك زي ما حصل في العياط .. لكن الهم الأكبر هو ملاعيب المؤسسة الكنسية مع الحكومة .. يعني اعطاء البابا توكيل بانه مسؤول الاقباط وبالتالي تأكيد فكرة الرئاسة الدينية للشعب المصري .. زي ما يوجد مفتي وشيخ ازهر يوجد بابا وتبقى الروس اتساوت. خطورة هذا الأدعاء هو تجنيب منظمات المجتمع المدني القبطية التدخل في السياسية وخليهم في المستشفيات والأيتام .. فما دامات الكنيسة تقوم بالواجب فلا داعي للشوشرة . وتكون النتيجة ان البابا شنودة يطلب من الأقبط انتخاب مبارك وابن مبارك وحفيد مبارك هذا هو الإضطهاد بعينه ان تتولى المؤسسة الدينية المسائل المدنية .. حتى المسلمين لهم حزبهم من الأخوان والجماعات والخلايا النائمة في الحزب الوطني ومجلسي الشعب والشورة وما فيش داعي نجيب سيرة الوساخة اللي حصلت من المجلسين بقيادة سرور وصفوت في المزايدة على الأخوان ايام حجاب فاروق حسني. قبل ما نفتح صفحة النقاش لازم نعرف ان وجود خانة الديانة في البطاقة يجب ان يلغى تماما حتى نتظاهر بأنه توجد مساواة .. بعدين نقدر نشوف موضوع الكنيسة اللي لن يصبح لها قيمة حين يسمح بتواجد احزاب دينية .. اما الكذبة اللي بيقولها مبارك ما قدرش ادي تصريح للمسلمين انهم يعملوا حزب عشان الاقباط حايقولوا اشمعنى .. الرد جاهز من وجود اكثر من ثمانين نائب اخواني بصفتهم الحزبية في مجلس الشعب .. لا ياشاطر اعمل احزاب دينية وحتلاقي الجو في مصر احسن بكثير من الجو الموجد حاليا .. انا شخصيا والاف الفباط مع الاحزاب الدينية وما حدش يخاف من حزب اخواني علني مادام يوجد مقابله حزب مسيحي علني .. اوربا مليانة احزاب دينية مسيحية ملتزمة بالدستور وتتبادل السلطة .. هل يمكن ان تتخيل في يوم من الايام اغلبية قبطية في مجلس الشعب ؟ ده يكون يوم اسود بجد !!

الحقيقة ان ما يقال عن اضطهاد الأقبط في مصر محتاج وقفة متأنية بدءا من تعريف مصطلح اضطهاد ومرورا على موقف المؤسستين الدينيتين الاسلامية والمسيحية ثم الدولة متمثلة في اجهزتها وتعليماته ا العلنية والسرية في هذا الموضوع .. ثم ما يطلق عليه اصطلاح الفتنة الطائفية اي العلاقة المباشرة بين الأقباط والمسلمين , انا شخصيا سأبدأ بالعلاقة المباشرة بين الأقباط والمسلمين ورأي انها تزداد حساسية وتوترا مع الزمن . لكن بالرجوع الى الوراء وما يقال عن تعانق الهلال مع الصليب ايام ثورة 19 فإننا نستخلص رية هامة هي فكرة " المواطنة " حتى قبل ان تظهر هذه الكلمة في القاموس السياسي . فلأن الأقباط عندهم حساسية من اتهامهم بأنهم عملاء للمستعمر الخواجة المسيحي فإنهم يتطرفون في نفي التهمة التي قد تظهر او لا تظهر من وقت لآخر حسب الظروف السياسية والاقتصادية التي تمر بها مصر .توجد شخصية قبطية ظهرت ايام نابليون اسمها المعلم يعقوب وحصل بعد ذلك على لقب جنرال لأنه كون فرقة مسلحة من مصريين اقباط يوالون جيش نابليون . وحينما تم الانسحاب الفرنسي انسحب الجنرال يعقوب معهم ويقال انه مات بالحمى في سفينة العودة الى فرنسا . لم تكن فكرة الوطن قد ظهرت بعد ايام نابليون وكانت مصر تحت حكم المماليك رسميا وتحت حكم الخلافة في تركيا اسميا .ولاية في امبراطورية اسلامية رئيسها اسمه الخليفة او السلطان . لم يتهم احد المعلم يعقوب بالخيانة وهو بالمناسبة شخصية درامية غنية للمؤلفين! ولم يهتم به احد بل ثمة محاولات من كافة الآطراف لتجاهله . حتى ثورة 19 وهي ثورة شعبية بجد. لماذا كان الاصرار ايامها على تصوير القمامصة مع الشيوخ المسلمين في حالة عناق وحب ؟ والقمص سرجيوس يروح يخطب من جامع الأزهر . اعتقد انها الحساسية الزائدة من ناحية المسيحيين بأننا يا جماعة معاكم ومش عملاء المستعمر المسيحي ! هذه حساسية قائمة ولن تزول بل انها في ازدياد. يأتي واحد احمق زي سلمان رشدي ويكتب آيات شيطانية فيقود المسيحيون الرسميون في مصر الحملة مع المسلمين ضده . تأتي الرسومات المسيئة للرسول وتتكرر نفس الحكاية . يحضر الاقباط الافطارات في رمضان ويتظاهرون بتضامنهم مع المسلمين في صيامهم ان كان حقيقيت او وهميا . لكن الحقائق تظهر في الآزمات . زي اخر ازمة في العياط . هذه ازمات صحية وضرورية جدا . لماذا ؟ لأنها تكشف هشاشة الوضع الداخلي الذي يتشارك كل الأطراف في سحب المناعة من جسم الأمة ان جاز التعبير . تظهر هذه الهشاشة في مئات التعليقات هنا .. تصاحبها اراء حقيقية من الأطراف المشاركة ليست فيها اي مجاملة . ياريت حد يعمل تحليل احصائي في التعليقات عن الاتهامات بالكفر والخيانة وعن كمية الكراهية التي ظهرت بلا رقيب او مجاملة .. هذه التحليلات ضرورية للدارسين لأنها كما اعتقد اول مرة يقول فيها الناس من كافة الطبقات والانتماءات رأيهم في بعضهم البعض بهذه الصراحة النادرة .

Alaa, You totally forgot that muslims are suffering from worse than that in EGYPT, so this edthad is aganist muslims and chrisitans , let me give yo a little example , it is not allowed to stay in mosque after Eisha prayers, ALl mosque MUST be closed by law or the servant of the mosque will go stay the night in amen eldawla..No lecutres , no 7alqat no any activities is allowed , though most churches has tons of activities and no one ye2der yeft7 bo2o.

I'm not going to mention rezalat and elet adeb that people with beard or just muslims suffered from. Try take a microbus going to se3eed and u have beard, and i m talking here from a personal experience , we were stopped and they checked our id in more than 3 legan on the highway and our follow chirstians in the same microbus were not even touched..

Ya 3am Alaa, for god sake write shewaya about what happens for muslims in Egypt and how islam karamto mahdoora. Chrisitans have tons of people to talk about their alleged problems , mashallah aqbat elmahjer organistaion here in north america mish me7'leen, shewyat zebala people kol hamhom to insult islam and muslims ...

And bythe way , i live in a city nearby chicago , it took us more than 25 years to get a liscense to build a mosque , though galya in this city is more than 25,000 and the closet mosque is 50 mins drive..but this is how aqlyat treated in any country.. ma3lena...rabina yehdy.

KHALAS ??!! everybody here on this blog is so sure he's doing every right thing that is supposed to be done by muslim or by christian to deserve GOD'S paradise,and now you're discussing what is wrong and what is right in the OTHER'S releigon ??!!!!

strange !!! all of u people need to put hand in hand first AGAINST THE SYSTEM , after that change yourselves first , and each person need to care about himself and about his words,cos from the level of this discussion,i'm sorry -it's my own opinion anyway- but i see none of u qualified to speak about releigon or qualified for scientific discussion,same as myself too....

better to care about our country TOGETHER....else we're lost TOGETHER TOO !!!! in this life and in the afterlife too !!!!

mesh keda walla eeh ???

TA7EYA MASR.....eely kanet OM EL DONYA

http://baheth1.blogspot.com/2006/05/blog-post.html

لقد انزلقت بحوارك الى مستوى حقير..أرجو من الأخوة النصارى عدم اتباعه..لا تسبون ولا نسبكم

(لكم دينكم ولى دين )

I told you before that if you wish to have a proper discussion regarding the differences between Islam and Christianity, you are welcome to. However, everything has the correct place and time...I pointed out before that this website is not a religious dialogue website...and i invited you to visit my blog where such discussions have taken place with other Muslim guests.

اسمع يا محمد...الناس المفروض انهم بيفتحوا الكتب المقدسه بحثا عن نعمه و خلاص. النفوس المريضه هى اللى بتفتح كتاب مقدس علشان تفحص و تبحث عن ما يرضى اغراض دنيئه و تتطاول على مقدسات و على كلام الرب. وبعدين يابنى الحكايه انه الاخ don’t care قال كلام عن الاسلام ما عجبش حضرتك...و ده حقك.

لكن كان افضل بكثير لو كنت اثبتّ قوة حُجتك و ايمانك و مدى فهمك لدينك بدلا من ان تدخل فى النقاش السخيف ده و تكيل الشبهات و الاتهامات ضد كتاب مقدس المفروض انك كمسلم تؤمن بيه. و يزيد الطينه بله جهلك الواضح بمعانى و تفسيرات و ابعاد العقيده المسيحيه. فاصبح النقاش مجرد كلام غير ناضج...حتى لو سلّمنا بصحة كلامك فالقاء الشبهه على الطرف الآخر لا يعنى انك نفيتها عن نفسك. بمعنى ان لو اتنين قابلوا بعض،واحد قال للتانى انت حرامى...لو التانى رد عليه و قال انت حرامى...يبقى برضه ما نجحش فى اثباات براءة نفسه...فاهم قصدى؟

هل انت تفتكر انك لما تكرر الكلام ده خلاص...هتزلزل العقيده و تشككنا فى ايماننا؟ يا صديقى الرب وعدنا: على هذه الصخره ابنى كنيستى و ابواب الجحيم لن تقوى عليها...ولانت شايف انك اقوى منه سبحانه؟

أما عن سؤالك لى بإنى اقول لك عن ايات او احاديث من عيّنة الكلام اللى نت كاتبه عن الكتاب المقدس فأنا هكتفى بالReference:

http://hadith.al-islam.com/display/Display.asp?Doc=0&Rec=7644 إنكاح الرجل ولده الصغار

http://hadith.al-islam.com/Display/Display.asp?hnum=25636&doc=6 http://hadith.al-islam.com/Display/Display.asp?hnum=3904&doc=6 http://hadith.al-islam.com/Display/Display.asp?Doc=1&Rec=3206 http://arabic.islamicweb.com/Books/taimiya.asp?book=64&id=889 http://www.islameyat.com/pal/aldalil/yagouz_shar3an.htm بصراحه انا اكتفيت بذلك لشعورى بالقرف الشديد.

بنت النيل.

هل الكافتسة فعلنا مفترين ولا أية؟ لماذا هذا الشعور بالأضطهاض؟ قراءة بسيطة للوضع في مصر منذ الأنقلاب العسكري عام 1952 (هذا لا يعني أن التريخ قبل ذلك ملىء بالورود لكن مليء با دم و العذاب رجاء قراءة التاريخ) لقد قام العسكر و هم من خلفية أخوان مسلمين (أي أصولي (أرهبي)) بتهميش الأقباط و تأميم ممتلكاتهم و تنحيتهم أو القذف بهم خارج المشهد السياسي و عدم تعينهم في مناصب بالدولة هذا كان العهد الناصري ثم بداية الأضطهاد أو تصريح الدولة الضمني بالأضطهاض كان ذلك بأطلاق الكلاب المصعورة من السجون (الأخوان المسلمون) في عهد الرئيس المؤمن شارب الخمر و موروج الحشيش محمد أنور السدات و تغافلة عن الخطاب الديني الذي يصف الأقباط بالكفرة و سرقة محلاتهم و ألقاء ماء النار علي بناتهم و أختطافهم و عدم التصريح لهم ببناء كنائس و يأتي العهد المباركي و توالت الأحداث و الأقباط صابرون عدة حوادث مثال كشح 1 و 2 , دير ابو فانا , العديسيات,......).

طفح الكيل بلاأقباط من الظلم الواقع عليهم و أصبح الوضع يهدد بحرب أهلية. و أخيرا أليك بعض الواقع القبطية.

www.amcoptic.com

www.copts-united.com

و شكرا

اولا احب اوضح حاجات علشان الناس المثقفة جدا المتحضرة جدا الي لما حد يقول حاجة هما رافضينها نع انه لم يسب و لم يشتم بيسبوا له الدين و علي فكرة يا اساتذة سب دين المسيحين حرام. و يا ريت محدش يقولي ان المسيحين دلوقتي مش اهل الكتاب و دينهم دلوقتي مش هو المسيحية الي كانت علي ايام الرسول علشان بيجيلي brain damage من الكلام ده و لو حد عايز يقول كدة بس يا ريت الف جنيه يبعتهوملي و بعدين يقول الي هو عايزه و انا حاقرا رده و بعدين اتعالج من نزيف المخ و بعدين ارد عليه ماشي.

توضيح بقي علشان ميطلعش واحد يوقلي يا خاين يا عملي يالي جايب فلوسك منين و الكلام الاهبل ده. طيب ليه انا جريء كدة يعي استشهادي مثلا لأ انا راجل عقلاني جدا و بقولها بصراحة انا كندي و النظام الجبان ده ميقدرش يلسمني خاصة ان السفارة هنا عندها خبر كامل باني مستهدف ابقي بقي خلي واحد منهم يوريني رجولته ماشي.

انا مش مصري لغاة ما البلد ديه تتفرمت تصحيح مفيش حد مصري لغاية م البلد ديه تتفرمت لان مفيش حاجة اسمها مصر البلد الذي تحاول الاتصال به خارج نطاق الخدمة يرجي المحاولة في وقت لاحق و شكرا علي استخدامكم نظام الاتصال المحلي مصر----الحجيم.

اولا انا شاب مصر كندي. مصري الاصل لان الابوين مصريين و كندي بالتجنس فقط.و انا اعلنها صريحة ولائي ليس لمصر مائة بالمائة انا افقد ولائي كما تتسرب الحبات من عنق الساعة الرملية ولا يبقي لي الاا البلد الاخر الذي رغم اني لست ابنه الا انه احتضضني و رعاني اضعاف ما فعلته مصر معي. لا تصحيح كندا لم ترعاني اضعاف ما رعتني مصر لان لو عايزين نشوف كندا رعتني كا مرة قد مصر نقسم رعاية كندا علي رعاية مصر و بم ان رعاية مصر تساوي 0 اذن رعاية كندا مالانهاية قد رعاية مصر.

ثانيا انا مسلم ليبرالي و اؤمن بالنظريات العلمية كلها و اؤمن بالتظور و النشوء و الارتقاء و نظريات الانفجار العظيم علشان محدش يقعد يقولي يا ملحد يا مش عارف ايه.

ثالثا انا مش حارد كلمة كلمة علي ما يقال انا حاقول ايه هو الحل. الاخوان المسلمين الذين هم رغم اختلافي معهم شركائنا في الوطن و قوة لا يجب الاستخفاف بها يقولون ان الاسلام هو الحل. انا شايف ان الاسلام هو الحل للمشاكل الشخصية لكل واحد, علي الاصح الدين هو الح بما في ذلك الالحاد الي هو نوع من انواع الديانة غير السماويةو هو يمثل الاقتناع بان الكون نشا من لا شيء و لم يكن قبله شيء و لا ادري لماذا يسخر بعض من يسمون نفسهم مسلمون من هذا رغم انهم يقرون ان الله لا قبله شيء ماذا يمنع ان يكون الكون ليس قبله شيء؟؟؟ المهم انا اقصد اننا لازم نبطل نكون مسلمين او مسيحين كما وجدنا ابائنا كام واحد هنا قعد يفكر و يقرا و يبحث دينه صح ولا غلط اما مش بقول غير دينك لو انت فعلا مقتنع عن دينك صح ابحث و دور و اكيد انت مقتنع انك حتلاقي الاثبات ان دينك صح فحيزداد تمسكك بيه صح و خلي بالكوا ربنا في الاسلام امرنا اننا نتفكر في كل شيء خذوا مثال ابراهيم الذ اخذ يبحث عن الله و سقط في الخطا عدة مرات اذن مطلوب منا البحث عن الدين الحق حتي نصل الهي عفوا لن نصل ابدا البحث مستمر دائما كلما كبرت كلما قرات اكثر و اذا كان دينك صحيح فانت المستفيد عرفت الكثير عنه و صار ايماكنك عن حق و لن تكون مسلم او مسيحي لا هذا ما وجدت عليه اباؤك ماشي كل واحد يفكر في الموضوع ده

يبقي اول الحل هو الدين كل واحد يمكفر جامد و يدرس و يتوصل للدين و يقتنع بيه و ده بيتطلب ان تقرا في كل الاديان حتقولي ليه حاقولك مش المسلمين بيلوموا المسيحين انهم مش بيدرسوا الاسلام و انهم لو فعلوا حيقتنعوا بيه طيب انت درست المسيحية و درست الاسلام و الاديان الاخري عن حق طيب اتاكدت ازاي ان الاسلام هو الحق قبل ان تدرس الاديان الاخري كما ينبغي كما ينبغي يعني تقرا كتابهم و كتب محيادة علي قدر الامكان تتحدث عنه مش واحد يروح يقرا كتب السلفيين عن المسيحية و يقولي درست المسيحية يعني انت كمسلم ترضي ان واحد مسيحي يقرا كتاب كاتبه واحد ملحد عن الاسلام و يقول اه اهوه الاسلام غلط اهو فهمنا بقي انا قصدي ايه كل واحد يدرس كل الاديان و يقرر عن وعي ماذا يريد ان يكون و اكرر من يرفض خائف لانك لو متاكد ان دينك صح ايمانك حيزداد بيه

الجزء الثاني من الحل لازم نفرمت البلد format لا مش كفاية لازم نلغي كل ال partitions و نعملها من اول و جديد لا مش كفاية يا ريت نشتري هارد دسيك HDD جديد و معاه بقي بالمرة بروسيسور بدل البروسيسور المبارك الي عندنا ده الي بيشتغل طبقا لدرجة حرارته لما يصحي الصبح و مراته كان شكلها ايه امبارح بليل و طبعا بروسيسور بقال 80 سنة من ايام ال ENIAC الي استخدموه في الحرب العالمية الثانية اكيد مراته شكلها يقرف الكلب بليل.

و رامات بقي, علشان صحيح احنا بنغير طقم الرامات كله كل كام سنة لكن الطقم النظيف الحالي زي الزفت و واضح انه مش spectek زي ما قيل و مش تكنولوجيا و لا حاجة. قال ايه رامات تكنوقراطية يا ريت ديه رامات زفتوقراطية.

بقية الجهاز مش بطال نخليه لل upgrade الي جاي

انا بتكلم جد تماما. يعني مش تكاكا لكن فعلا انا ناوي افرمت البلد وعارف حاعملها ازاي. انا hacktivist طبعا انا لو مشرحتش يعني ايه الناس العبيطة ولا حاتعرف انا اقصد ايه واحد امن الدولة بعتاه يشتم واحد من اشرف رجال مصر "علاء" (علي فكرة علاء ب 10 اس 6 من بتوع امن الدولة يعني لو عندنا 7 منه يبقي عندنا ما يوازي عدد سكان مصر من الشرفاء) طبعا الناس العبيطة مش حاتفهم لان واحد امن الدلوة بعتاه ميعرفش يعني ايه wikipedia و لا يعرف يجب معلومة لما يحب يجيبها.

لكن انا غتاتة مش شارح يعني ايه hacktivist و يا ريت الناس تتعب نفسها 5 دقائق يا مانتخين يا رجال البطاطس "راجع ميكي عدد 1504 ايام اصدار الهلا لها لتعرف رجل البطاطس".

لكن كمثال لما افعله قمت انا و مجموعة من ال hacktivists باختراق ثغرة امنية في سنترال محرم بك بالاسكندرية منذ حوالي عام عندما تم زيادة الفاتورة بشكل استغلالي قذر ( و حياة ام مبا.. -احم ما علينا- لما الجات تتطبق لشركات الاتصالات العالمية تدخل مصر و telecom egypt و vodafon و link dot net حيتربوا ولاد الكلب الحرامية و كمان خدمتهم زي وش الي معينهم) قمنا باختراق ثغرة امنية في السنترال و قمنا باجراء مئات المكالمات الدولية المجانية كلها الي مراكز لحقوق الانسان برة وقدمنالهم تقرير كامل عن حالة مصر ام الدنيا "واضح ان الدنيا ديه بنت ستين ....." و طبعا بنتكلم براحتنا ما الاستاذ نظيف عازمنا علي مكالمات مجانية "هو صحيح ميعرفش انه عزمنا بس المهم اننا مدفعناش مليلم احمر" و طبعا ده لان الحكومة التكنولوجية الي واضح انها من عهد تنولوجيا الروافع و التروس لم تقم باغلاق ثغرة انتقال ال data و ال control signals علي نفس الخط مما يسمح لك بارسال اي اشارة "لو حد من تيليكون ايجيبت سامعنا هنا الموضوع يتلخص في 2600 فاهمني" علي خط التليفون مما يسمح لك بارسال اشارات كان النترال الي انت تابع له اعطاك الحق في اجراء مكالمة مجانية. حتقولوا طيب فتحكلك خط دولي ماشي انما مشحيحاسبك عليها بتاع ايه. السر ان انا مش مشترك في الدولي صحيح ان الرقم الي انا تكلمت بيه بيتسجل علي ال database لكن وقت حساب الفاتورة بعد ما يجسبب المكالمات المحلية ويضسف قيمة ما هو مسجل في الdatabase كماكالمات محلية و يكلم اول حاجة بيعملها يشوف انت مش مشترك في خدمة ال zero و الدولي ولا مشترك لو مش مشترك لا يلتفت اساسا للرقم المسجل في خانة الدولي , اصل لو انت مش مشترك حتكون اتلكمت ازاي يعني؟؟؟ طبعا بفضل الخدمة المتميزة للمصرية للاتصالات "الان تقدم المصرية للاتصالات مكالمات لاي مكان في العام مجانا طوال اليوم جميع ايام الاسبوع"

طبع الحكومة حتنكر بس انا مبسوط انه لما يقروا الكلام ده "طبعا نشر حاجة في manalaa ضمان اكيد لقراءة امن الدلة لها اكثر من وضعها علي مكتب جبيب العادلي "والله حاجة غريبة طيب حبيب و حنعديها بس عادلي ازاي يعني"

اهو انا حافضل اعمل كدة لغاية ما الحكومة تسقط من تلقاء نفسها the code of the hacktivist: "belive in the code, manipulated by few but affects everyone" "may the source be with you"

و انا من هنا باتحدي امن الدولة في وقت ما في المستقبل لم يتحدد بعد لاعتبارات تقنية لكن اقرب ما يمكن حاخترق قاعدة بيانات امن الدولة و حاعملها full scramble و ابقي خلي واحد في الامن في البلد ديه يعرف يلاقي معلومة لمدة 6 شهور لغاية ما ينظموها تاني انا ### ##### #### كلية ال##### قسم ####### ال######## جامعة @@@@@@@@@@

انا كنت ناوي اكتب معلوماتي الحقيقية بس شيلتها علشان صعب عليا بتوع امن الدولة يعني اصل حياتهم مملة اوي مفيش challenge اكيد من كتر الروتين حصلهم زي ما حصل في النوم في العسل فحرصا علي الصحة الانجابية لمؤسسات الامن في مصر قررت اخبي المعلومات لكن للعلم عدد الحروف تركته زي ما هو يا تري مين الشاطر الي حيدد انا مين

و ادعو امن الدولة يجوا يقعدوا معايا علشان اشرحلهم ازاي يقفلوا الثغرات في النظم بتاعتهم ماشي منتظركم يا جماعة. طبعا في الوقت الحالي الي انا فاضي فيه لان مفيش hack in progress حاقضي وقتي تغليس علي امن الجامعة.

يسوع: سلام لك. محمد: سلام ورحمة الله وبركاتة. يسوع: مالك زعلان كده لية؟ محمد: عمال ابص على أحوال المسلمين واتعجب!! يسوع: وانا كمان محمد: أنت كمان مش عاجبك أحوال المسلمين؟ يسوع: ولا المسيحيين! محمد: إزاى؟ يسوع: هما فهموك غلط وهات يا إرهاب, وفهمونى غلط وأضوها إستسلام. محمد: أنا حاسس إنى هما لو كانوا معانا دلوقتى كان الضرب إشتغل. يسوع: هما مين؟ محمد: المصريين يسوع: الحاجة اللى عايز أعرفها منك هما لية المسلمين بيعملوا كدة؟ محمد: فاكر أنت لما دخلت الهيكل ولاقيت الناس عملاه سوق؟ ساعتها إتنرفزت وقلبت الحاجة كلها. يسوع: بس أية المناسبة؟ محمد: ده عمل إرهابى بالمفهوم العصرى لحقوق الانسان! يسوع: الموضوع دة كان حمأه على الهيكل لانة بيت الله على الارض. محمد: أنا مش بدينك أنا عايز أقول إنى عملت حاجات كتير إحتاجت ممارسة القوة علشان نصرة الاسلام, لكن فيه مسلمين الايام دية بتعتبر إن الإسلام هى إستخدام القوة!! يسوع: أنا كمان شايف إن فيه مسحيين كتير الايام دى مفكريين إكمنى أنا إتصلبت إنى ده مبرر إنهم يضربوا ويتصلبوا كمان!! محمد: بس أنت ماتصلبتش فعلاً يسوع: أومال أيدى ورجلى متقوبين زينة؟ محمد: الغريبة إنى الموضوع دة أنا وأنت مش متفئين علية لكن عمرنا ما زعلنا من بعض. يسوع: المشكلة مش فينا المشكلة فى اللى تحت. محمد: أومال أنا حزين لية؟ يسوع:شفت اللى عملوه علشان موضوع الرسوم بتاعة الدنمارك؟ محمد: الغريبة إن اللى بيتعمل من المسلمين فى بلاد المسلمين أسوأ من الرسوم بكتير. شوف الفساد فى بلادهم أد أيه؟ بذمتك مش اللى يشوفهم بيعملوا كدة علشان الرسوم وهما ساكتين على الفساد يفتكر إنى علمتهم الجهاد ضد الرسم مش ضد الفساد؟ يسوع: نفس اللى حصل معايا فى اوروبا زمان. محمد: وعملت أية؟ يسوع: ولا حاجة!! محمد: علشان كدة اوروبا بعدت عن المسيحية وكلها علمانية؟ يسوع: أوروبا حققت العدل وده روح الدين. إنما العالم الاسلامى بعد عن الاسلام والعدل كمان! محمد: اللى حققوا العدل فى اوروبا ناس ضحت بحياتها علشان الأجيال اللى بعد كده تعيش. يسوع: لازم ناس من بلاد المسلمين تضحى بحياتها علشان المسلمين تعيش فى عدل هى كمان. محمد: تفتكر ده ممكن؟ يسوع: مش فى الجيل ده. محمد: جيل جديد بروح جديدة. يسوع: وفكر جديد لازم فكر جديد.

طبعا انت مش هتحس ب الضهاد لانك مش فبه لكن كفايا اقول لك ان القس بيتف عليه فى الشارع و البنت المسيحية بيتقال عليها يا مسيحية يالى كشفه شعرك... و طبعا كلام تانى وحش مع ان الموضة دلوقتى تبقى البنت محجبة و لاموئخذة

الشئ العجيب اللي نفسي افهمه انتو بتتكلمو عن ايه بالضبط اضطهاد اية وظلم ايه انا مش فاهم اي حاجة بقا المسيحي في مصر مضطهد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ احا ااااااا من قلبي لاي حد يقول كدة

طب انا عايز اي بني ادم عاقل ومتزن وهو قاعد مع نفسه يفكر بشكل منطقي ويسشوف مين اللي واخد حقه في البلد دي اكتر من التاني المسيحي ولا المسلم دا انا بخاف اعمل مشكلة مع اي واحد مسيحي لاني عارف انها مش هتبقي قضية عادية لا هتبقي امن دولة عليا

بلاش دي لا كمان انا حفيت عشان اقدر اهاجر لاي بلد في الدنيا وبرضة معرفتش لكن الاخوة المسيحين جميع بلاد الله مفتوحة بالنسبة ليهم

طب حد يسال نفسة ويشوف اقتصاد البلد دى في ايد مين؟؟؟؟

يا جماعة والله لو في حد مضطهد في البلد دي يبقي احنا المسلمين ولو في حد بيتنفخ في امن الدولة والمعتقلات برضة يبقي احنا المسلمين وكمان الشحاتين في البلد دي المسلمين

وبناء علي هذا فانا ادعو الله ان يتم محو الديانة من البطاقة الشخصية لاي مصري حتي لا تعرف ديانته

وساعتها بس المسيحيين هيحسوا بالفرق ويعرفوا معني الاضطهاد الحقيقي

شاهدت بالأمس قداس عيد القيامة المجيد وكنت فى انتظار كلمة البابا عله يذكر شيئاً يهدئ به روع الأحداث الملتهبة وتوقفت عند حدث ذى مغزى مهم جدا.. يذكر البابا اثناء كلمته أسماء الحاضرين من كبار رجال الدولة والزوار المهنئين بالعيد والحاضرين فى الكاتدرائية فيصفق الحاضرون لكل منهم.

تكلم البابا عن مندوب رئاسة الجمهورية ومندوب رئيس الوزراء فنال كل منهم تصفيق على قد حاله كدة ارضاء واجب. وحينما ذكر البابا السفير الأمريكى الحاضر القداس وسط المسيحيين اشتعلت الكاتدرائية بعاصفة من التصفيق جعلت رقبة كل الحاضرين من الوزراء والمندوبين كالسمسمة. ...

فى رأيى ماحدث ما هو إلا مرآه للواقع المر الذى لم يجد فيه الأقباط من يحامى عنهم ويسأل عن احوالهم ويدافع عما يحدث لهم فى وطنهم إلا الولايات المتحدة .. وفى حين حضر السفير الأمريكى وسطهم ليهنئهم فى قداس عيدهم أبى رئيس الجمهورية ورئيس الوزراء ان يتنازل ويتواجد ولو خمس دقائق جبر خواطر كما فقد جمال مبارك الكثير من شعبيته حين أبى هذه المرة ان يكون وسطهم كما فعلها سابقاً .. الله يرحمك يا عبد الناصر ... ...

لكم الله يا أقباط مصر .. لا تتوقعوا على أرضكم خيراً .. هيا هاجروا الى الولايات المتحدة كما فعل اسلافكم

http://egyptcamira.blogspot.com/

فليكن يا علاء إنته جمعت شويه روابط وناس إدوك شويه روابط من منظمات خارجيه منها أقباط المهجر تذكر ما قلته عندي في المدونه والكل قال عليه أهبل كل ما سأقوله هو جانب من الحريه التي يتمتع بها النصاري في مصر لما خرج النصاري بعد موضوع الأهبل المفتعل بتاع الكنيسه قوات الأمن قد جائت ولكنها لم تمنعهم من مغادره المكان ويم يمنعوهم من التحرك وفي يوم تشييع الجنازه النصاري شتموا المسلمين والأمن مش عملهم حاجه وكان يادوبك عربيتين أمن ماشيين خلف الجنازه إلي كان فيها حوالي ألف ونص واحد وما بقتشي جنازه بقت مظاهره

إحنا بقي

لما سب الرسول وإتعملت مظاهره في الأزهر كانت جيوش جراره من الأمن واقفه ما يقرب من 50 إلي 60 عربيه أمن مركزي في المنطقه طبعا أنا إنضربت وكان نصيبي لأني كنت في المقدمه كما أحب ان أكون عصايه في مناخيري ، والمظاهره إتمنعت تطلع بره الأزهر ، وفيه ناس إنضربت من ظباط أمن جوه الجامع كان منهم واحد من الغد

اللينك إلي هجيبه هو من موقع وائل عباس إتفضل تصوير وائل عباس http://www.zippyvideos.com/2184292503581736/denmark04feb06/

مش هقدر أرد عليك في اللينكات إلي إنته جبتها لأني لم أرها بعد لني في الحقيقه مشغول جدا ودول كانوا خمسه دقائق بس عشان الناس مش تقول عليه إني إنخرست لأن لسان الحق عمر ما حد يقدر يخرسه

وحسبنا الله ونعم الوكيل

شئ غريب جدا اقل من 10 حوادث فى 3 سنين وساعدتك عايز برده تولعها يا عم بطل بقى الكلام الخايب ده

يعنى 10 حوادث من 70 مليون واحد اصبحت منهج مترسخ واصبحوا السبعين مليون بيكرهوا النصارى وعايزين يولعوا فيهم ده برده كلام

على كده المسلمين بيكرهوا بعض لما كل يوم فى حوالى 100 حادثة قتل واعتداء من مسلمين على بعض ده طبعا في اقل تقدير

وكده يبقى المسلمين فى حرب اهلية

يا عم بطل المواضيع الخايبه دية والتفت للاهم مذبحة القضاة التوريث الفساد

احب ابدا كلامى الاول بسؤال لكل الناس . لية منختلفش مع بعض فى الراى وفى الفكر بدون شتيمة ونبقى بجد متحضرين عايز اتكلم فى نقطة الاول الا وهى ان فى بعض بعض المسيحين اللى بيقولو ان البلد دى بلدهم والمسلمين هما اللى جم احتلوها بحد السيف تعرفوا كان كام عدد المسلمين بعد 100 سنة من دخول الفتح الاسلامى لمصر تخيلو 4 %من عدد السكان واعتقد ان دة رد كافى على كل هذة الدعاوى الباطلة اما بالنسبة للى حصل فى اسكندرية دة فدة اصلا ضد تعاليم الاسلام وحرام شرعا دى حتى فطرتنا كبشر ضد القتل ,ما بالكم بقى اللى يقتل واحد عشان انه مسيحى او مسلم مثلا ومش هنفرق بين الاتنين لاننا كلنا بشر ثم ازاى يا جماعة هنخالف امر ربنا وهوة بيقول :بس الله الرحمن الرحيم (لكم دينكم ولى دين ) صدق الله العظيم اكيد فى متعصبين من الجهتين بس صدقونى والله عمرها ما توصل للقتل مستحيل لسبب واحد ان المتعصبين المسلمين لو جيت تتكلم مع واحد منهم وتناقشة فى تفسير ايه معينة يقولك لا اجتهاد مع النص هل بقى هما هيخالفو امر الله فى القران صعب انا شايف ان المستفيد الوحيد من كل اللى حصل دة هى جهة معينة جهة ماسكة كل خيوط اللعبة وبتلعبها بشكل كويس جدا باحتراف واكيدكلكم عرفتم هيا مين كويس . فكرين السى دى اياة بتاع المسرحية لية طلع بعد كل المدة دى واشمعنا فى الوقت دة بالزات فكروا شوية وانتو تعرفوا الحقيقة كويس بس عايز اقول حاجة اخيرة : ان غياب الحق والعدل والمساواة فى المجتمع جعلنا نعيش فى شىء اشبة بالغابه فوقوا بقى ولو لمرة واحدة فى حياتكم