انا شايف انك انت استهبلت فى الحوار كتير وكان ممكن توصل وجهة نظرك من غير كلام يخدش الحياء

والله يا علاء أنا مش متعودة أدخل عندك

خصوصا إني بلغني إني اتشتمت عندك شتايم مش قد كده

وعموما انا مش مهتمة اعرف الحكاية ما انا باتشتم في الشارع عشان سواقتي اللي شبه سواقة بتوع الميكروباصات

المهم

والله يا علاء الكلام اللي انت بتقوله معقول جدا وانا في اول الحملة على البهائيين قلت الكلام ده

ما قلتش الالفاظ يعني

بس قلت المعنى ده

يعني بعيدا عن حق الانسان في اختيار العقيدة اللي ربنا اداها للانسان والبني ادمين عايزين ياخدوها منه

فعلا كل الناس معرضة انها تتحط في الموقف ده بالظبط

ايه بقى...

الناس كلها بقى يا سي عيلاء قعدت تقول لي

شوفتشي عيلاء

شوفتشي الكلام اللي كاتبه عيلاء

قطع عيلاء

قليل الادب عيلاء

لولا الملامة كنت وريتك عيلاء كاتب ايه؟

والله يا عيلاء ممكن تبقى قليل الادب فعلا

عادة يعني

بس انا مش شايفة في البوست ده اي قلة ادب زيادة عن قلة الادب الفعلية اللي احنا بنتعرض لها

يعني لما الواحد يوصف الفعل يبقى الكلام عيب والفعل نفسه مش عيب؟

طيب ما هو ده اللي ح يحصل

والله يا عيلاء

انا مش متعودة اتفق معاك

بصراحة خالص

بس البوست ده انا متفقة معاك فيه

إلى عبد الكريم سليمان

تعرفون بالتأكيد من هو عبد الكريم..المدون الشاب الذي سيكون نزيل السجن في السنوات الأربعة القادمة..و تعرفون لماذا..لأن عبد الكريم استخدم عقله ثم صرح بما يفكر فيه فمس حسب القضاة اثنين من محرمات الفكر و السياسة, فكر في ما لا يجوز التفكير فيه في ما حرم على العقل البشري أن يقاربه..هذه الحالة الغريبة التي تعتبر العقل ليس فقط في درجة أدنى من المقدس أو السائد بل و تكفر أية مقاربة نقدية عقلية لهما.. قد تكون آراء عبد الكريم مثيرة للجدل لكن المؤلم أن القاضي ( سواء المباشر و من نصب نفسه قاض على فكر و أطروحات عبد الكريم ) لم يختر أن يجادله بعيدا عن الاتهامات الجاهزة و سيف التكفير المسلط بل ربما كان لا يفقه في الموضوع الذي حاكم عبد الكريم بسببه و لا حتى قدر ما يعرف ضحيته , قد تكون آراء عبد الكريم مثيرة للجدل لكن أليس ما نعيشه أليست حياتنا بكل تفاصيلها مثيرة للجدل..أليس ما تفعله بنا الأنظمة ( و أولها النظام الذي حاكم عبد الكريم لإهانته ) تجاوز حدود المعقول أليس قهرها و قمعها و فسادها الذي ضرب معدلات لا تصدق أليس كل هذا مثيرا للجدل..أليس تخلفنا و استسلامنا للقهر و للابتذال أليس استسلامنا للغيبيات و هروبنا من الواقع إلى عالم يتكون من الجن و الشياطين و قوى غيبية تتقاذف مصائرنا كبشر لا وزن لهم في عالم يغتصب أبسط حقوقهم بشر يراد لهم أن يبقوا مسلوبي الإرادة و عاجزين حتى عن الدفاع عن أنفسهم أليس هذا كله مثير للجدل..أليس ما تفعله أمريكا و إسرائيل بنا كشعوب و كأفراد و كتاريخ و جغرافيا و حضارة بما في ذلك ما يرتبط بالمقدس ذاته وسط تواطؤ الأنظمة التي تشارك في كل هذا الموت مثيرا للجدل..أليس هذا القتل المجاني للإنسان أليس هذا السحل و تمزيق الأجساد الآدمية و حرقها أو أو..أليس كل هذا الموت المجاني باسم المقدس بصيغته الطائفية أليس مثيرا للجدل..كيف و بأي حجة و بأي جرأة على اغتصاب الحقيقة يبقى القتلة خارج القضبان و يستطيع "القضاة" أن يحاكموا عبد الكريم كيف يحاكم الفكر النقدي لهذا الواقع البائس و لا يحاكم من يزجنا في هذا القهر بل ينصب حاكما قاضيا على عقولنا مرشدا لأرواحنا..يستحق عبد الكريم أن يحاكم بنظر "النظام" لأنه رفض النظام بممارسته و فكره و "أشخاصه" أما بالنسبة لنا "ضحايا النظام" نحن نعرف أن القهر يريد أن يغلق عقولنا على المفاهيم التي لا تضع كل عسفه و قهره موضع تساؤل و ثورة و رفض و تحولنا من مجرد "كائنات مطيعة" إلى كائنات تدمن النقد و البحث عن الحقيقة تريد تغيير واقعها نعرف أن العقل لا يمكن أن يكبل بالأصفاد كما يتوهمون..نعرف أنه كان دوما أكبر من سجون الجلاد..

أطلقوا سراح الفكر !!!

أطلقوا سراح عبد الكريم !!!

مازن كم الماز

The most amazing thing is that how after all these people, judges, police, reporters and us waste all this time trying to figure out what is freedom and even though the rest of the world made this amazing discovery even the Indians few hunderd years ago ....we can still find food and we are not starved to death !!!!, comapring how much Americans work and how much they make to how much Egyptians work and what they make ...we are at least 1000 times smarter ...we are even smarter than the old Egyptians....its a living miracle !!!

أنا للأسف من القلة فى مصر اللى مش عندها دش علشان كده مش عرفت بقضية علاء غير بالصدفة من موقع مصراوى و هيومان رايتس ووتش و ده بعد لحكم ما صدر لان الصحف الحكومية طبعا مش تعرف ان فيه حد فى مصر اسمه عبد الكريم و متهم فى قضيه رأى (يعنى ايه رأى و يعنى ايه حريه)؟

المهم انا من الناس اللى بتزيط قوى مع حرية الرأى لانى نفسي يبقى عندى الحرية دى، و انا من الناس اللى قالوا على فاروق حسني انه حر فى رأيه علشان انا لما اقول رأيي ماحدش يقوللى تلت التلاتة كام

كانت اول مرة اقرا اللى عبد الكريم كتبه كانت من على المدونة دى من خلال الرابطة اللى فيه ( شكرا بالمناسبة )و على قد ما اتصدمت من الكلام حسيت باعجاب شديد جدا باللى كتبه عبد الكريم مش من المضمون لكن بسببب شجاعته فى انه قدر يواجه نفسه بالحقيقة بتاعته اللى بتدور فى دماغه هو انا مش فاهم اصلا يعنى ايه المصريين متدينيين بالسليقة (زى ما بيقولوا )لانى مش فاهم ازاى شعب فى خلال 2000 سنة غير ديانته مرتين غير الذاهب اللى اتخبط فيها من غير ما يكون عايز واحد عايزه مسيحى يبقى مسيحى و واحد عايزه مسلم يسلم وواحد طلع فى دماغه نتشيع و ماله وواحد تانى قال لأ نبقى سنة مافيش مشكلة بصراحة احنا مش عندنا مشكلة مع الدين ابدا لكن المشكلة عندنا مع الحكام لانهم هما اللى بيحددوا ديانة الشعب المصرى او اى شعب مش متقدم (بلاش متخلف تقيلة شوية)!

انا لما بدأت افكر فى ربنا مش كنت قادر افكر فيه لانى لازم اطلع بره الايمان و ابص عليه من فوق علشان اقدر احدد شكله ايه و هو منطقى و لا لأ و بعدين اغوص فيه علشان افحصه حته حته ( زي علماء االهستولوجى)لكن ماقدرتش اطلع بره علشان كنت خايف و خلاص و خايف لانهم قالولى و انا صغير انى اذا خالفت ربنا هاتعذب و انا باخاف من الالم

شوية شوية قدرت اتغلب على خوفى ده و طلعت بره و كفرت بكل حاجة (مسحت القرص يعنى) علشان احمل عليه تانى على نضيف و على الاساس اللى انا عايزه مش على الاساس اللى الناس عايزاه

غلطت انا كده؟ مايتهيأليش؟لانى اذا كنت غلطان مش كنت اقدر اوصل بعد رحلة طويلة انه مش ينفع يكون مافيش اله او مش ينفع مش يكون فيه ايمان لان الحياة وقتها هاتفقد معناها

انا مش بارغى فى كلام فاضى احنا عاملين زى الفشار اللى مقفول على نفسه و مالوش اى فايده غير لما يظهر اللى جواه و وقتها ممكنت الناس تاكله و تستسيغه تفتكروا لو المجتمع بيطبق المثاليات زى ما الائمة المسلمين عايزين يعنى الخمرة ممنوعة و الكفر ممنوع و الزنا ممنوع و الشذوذ الجنسي ممنوع واى بنت مش لابسة ايشار ب تتجلد يبقى ربنا هايحاسبنا على ايه؟ يعنى هو احنا كنا عملنا حاجة نستحق عليها دخول الجنة؟ دا احنا جينا الدنيا لقيناها متظبطة حتى مش عرفنا نعمل المعاصى علشان المجتمع مضيق علينا طب هانتحاسب على ايه؟الانسان اللى مش شايف ان فيه ربنا و شايف ان الاسلام متوحش و همجى من حقه يقول كده زى ما احنا ادينا الحق لينا كمسلمين نقول ان غير المسلم مش هايورد على جنة و اللى مش بيصلى هايدخل النار و اللى هاتزنى هاتتشعلق فى جهنم من مش عارف ايه و هايطلع ريحة نتنة من ماعرفش ايه

هو انا حر و لا لأ؟ باسأل نفسى دايما السؤال ده لانى مش شايف نفسي حر ابدا و مش عارف اعمل اى حاجة انا عايزها بداية من اختيار مجال الدراسة لاختيار الدين و المذهب لحق ممارسة الجنس بطريقة مثلية لحدانى ازعق فى وسط البلد و اقول مبارك حمار و اهبل و فاكر نفسه بيتصرف فى ما ملكت يمينه! لما الحكم صدر كنت هاحرق الكلام اللى انا بافكر بيه و باكتبه فى كراسة خاصة انا مش فاهم هما عايزينا نعمل ايه نطفش يعنى علشان ناخدنفسنا و نشم الهوا؟!هو اللى مش مؤمن بجد بربه مستنى حد يقوله الاسلام كخه علشان يسيب الدين؟

نفسي ابقى صادق مع نفسي و نفسي كل الناس تكون صادقة مع نفسها علشان تقدر تفكر صح

هل كلنا كفره مرتدين؟

يقول الشيخ الامام عبد العزيز بن باز الرئيس العام لإدارات البحوث العلمية والافتاء والدعوة والإرشاد فى المملكة العربية السعودية فى عام 1976

"القول بان الشمس ثابته وان الأرض دائرة هو قول شنيع ومنكر، ومن قال بدوران الأرض وعدم جريان الشمس فقد كفر وضل ويجب ان يستتاب وإلا قتل كافراً ومرتداً ويكون ماله فيئاً لبيت مال المسلمين"

رغم اني ارفض افكار عبد الكريم نهائيا الا انني كنت اطلب له العدالة واعتقد انها قد تحققت على الاقل بمقاييسه هو ومن لا يفهم كلامي عليه بمراجعة رده عند عمرو عزت في الرابط التالي http://mabadali.blogspot.com/2005/12/blog-post_10.html#c113482800070903835 حيث رد على تدوينة عمرو التي كتبها عن حبس ابو اسلام بقوله : " كيف يمكننا أن نتسامح مه هؤلاء المتطرفين الذين يقومون بإشعال الفتن الطائفية بين المواطنين فى مصر ؟؟!! . أبو إسلام هذا ليس سوى أحد مندوبى بن لادن فى مصر وما فعله معه الأمن المصرى كان عين الصواب لأن الأثار السيئة التى نتجت عن نشاطاته المشبوهة تلك لا يمكن تداركها مع الزمن وسوف تساهم فى زيادة الفجوة بين المواطنين فى مصر المتسعة أساسا بفعل الغزو الهمجى للفكر الإسلامى ( بالمناسبة ليس هناك فكر إسلامى معتدل ) ."

اليس عبد الكريم ايضا يشعل -بكتاباته-الفتن الطائفية.. اليس مقاله الشهير عن تخلف وهمجية المسلمين على الحوار المتمدن في الرابط التالي http://www.rezgar.com/debat/show.art.asp?aid=48653 هو تحريض على الكراهية والتحريض على الكراهية مجرم في معظم دول العالم من ناحية اخرى فان منطقك التفكيري يا علاء مثير للدهشة حيث تتبنى منطقا تفكيكيا عدميا مفاده ان لا شيء معصوم من النقد حيث لا توجد قداسة لاي شيء متناسيا ان دول مثل فرنسا وهي من هي في حرية الفكر والابداع يوجد بها قانون يسمى قانون " جيسو" يسمح لك بالشك في وجود الله لكنه لا يسمح لك اطلاقا بالتشكيك في المحرقة اليهودية

ثم انت تتناسى دوافع كريم وراء ما يكتبه والتي تتضح اكثر ما تتضح في مقاله لجار القمر "سألني كريم عن ضخامة الحمله في الخارج ووصف ذلك بأهم ما في الامر .. في الحقيقه فقدت تعاطفي معه شخصيا و ان كنت على تأييدي لحقه في اخراج مايريد" http://jarelkamar.manalaa.net/node/397

في النهاية اجد ان هناك قضايا في البلد تستحق الاهتمام اكثر من قضية شاب مراهق فكريا او بالتعبير العامي غاوي شهرة

انا من كتب التعليق المتضمن بيت الشعر احرام على بلابله الدوح.....................الخ ولاادرى لماذا تهكمت على التعليق رغم انى اعبر عن رايى وهو نفس المبدا الذى تعبر عنه حرية الراى فلماذا تناقض نفسك هذا اولا ثانيا هل مراعاة مشاعر الاخرين مساله صعبة عليك الى هذا الحد رغم انها النتيجه الاكيده لمساله الايمان بمبادىء ما اى مبادىء لان الايمان بمبادىء يوصلك الى درجة كبيرة من استيعاب الاخرين وبالتالى تملك القدرة على سبر الاغوار ومن ثم القدرة على الاقناع الحقيقى ثالثا كالاطفال الصغار حين يغضبون انت حين تقول اللى عاجبه المدونة يدخل واللى مش عاجبه مايدخلش بالضبط زى الاطفال وكنت اظنك اكبر من ذلك رابعا ان كنت بطبيعتك عدوانى الى هذا الحدفحين تاتى الحرية عن طريق اشخاص عدوانين فظاهرها الرحمة وباطنها العذاب وسنكون كالمستجير من الرمضاء (الديكتاتورية )بالنار (ادعياء الحريه الذين لايقيمون وزنا لاى قيم او اخلاق تعارفنا عليها ) ثم ان المدونة لست منزلك الخاص حتى تقول من يريد الدخول ومن لايريد الدخول والا فاحجبها لمن يوافقونك الراى فقط واظن ان هذا يفقدها اى قدر من المصداقية سادسا ما اتمناه ان تكون اكثر هدوءا فى ردودك فهذا اصلح للجميع فى سبيل الحرية التى نبتغيها جميعا وشكرا

بالنسبة لحكم الادارية العليا فانه _وفقا لرأيى_ وقع فى غلط جوهرى (مع احترامنا الكامل والشامل للقضاء و لاحكامه) لا مجال لذكرها هنا ,وبالتالى فاننى أرجو ممن يريد من السادة البهائيين الطعن على قرار وزير الداخلية لالغائه أمام مجلس الدولة الاتصال بى.

To the people saying that he deserves it bec he insulted islam.. what about the Imam that insult christians and jews everyday.. what abot the writers of books that say all non muslims are pagans.. shouldn't they be jailed too?? I am against putting someone in jail for saying peacefully what he thinks.. but at least if this law will persist so it should be applied on everyone.. "Al mosawah fil zolm.. 3adl"

http://voice-of-egypt.blogspot.com/

فيه اختلاف كبير بين الحبس علشان الراى والحبس علشان الشتيمه الاول فكر وانا مش ممكن ا وافق على خنق الفكر اما التانى ده قله ادب وبعدين هل تعتقد ان اى شخص يقول اى كلام يبقى راى ولازم ندافع عنه . وانت بتقول ان الراى بتاعه جابله الحبس والحبس امن ليه صح بس هل تعتقد ان ده كان هدفه وانه كان عايز يتحبس وياعم شافعى مين اللى قال ان حريه الراى تبقى فى التطاول على المقدسات بالهجوم والشتيمه بس من غير اى نقاش موضوعى ولا استدلال باى شى ولا العمليه بقت سداح مداح كده اى حد يقول اى حاجه ومباقش فيه اى طوابط ولا معايير للنقاش وعلى فكره انا استخدمت نفس اسلوب كريم لما قلت عليه حيوان وانا قاصد كده وكنت مستنى منك الرد ده علشان اقول كلمه واحده وهى اذا كنت انت سالت هل هو فعلا حيوان ولا لا وزعلت اوووى وعملت علامات استفهام كتييير امال ليه مش سالت وعملت علامات استفهام لما هو اتهجم على الدين والمعتقدات اللى الناس بتومن بيها ولا العمليه بقت خيار وفاقوس ده هو لايمكن يكون فيه وجه مقارنه بينه وبين الرسول صلى الله عليه وسلم بس احنا نتحمق ليه ونقول شهيد الراى وشهيد الحريه والقلم اما الرسول فاومالوه لو شتمه هى الشتيمه بتلزق ولا ده مش من حقه انه يقول رايه ولو كان احتفظ برايه لنفسه فهو حر بس هو نشر الكلام ده فتحمل مسئوليته ولا دى كمان محتاجه نقاش وعلى راى عمى جاهين ............................. وعجبى

بص يا عم علاء يا امور بدايه كده موضوع عبد الكريم ده اساسا اللى انتم محموقين عليه موضوع فاشل وهقولك ليه انا متباع عبد الكريم (والله خساره فيه الاسم )من اول لما كان لسه طالب فى كليه شريعه ومتباع المدونه دى وازاى هو بدا قله الادب من ايام لما كان بيشتم فى الكليه وبعد كده لما فصلوه قالك وماله انا ملحد واشتم فى الاسلام ماهى بقت فوضى اى عيل عبيط يجيه يرجعله كلمتين نعمله شهيد وتبقى يا عنيى حريه فكر وحريه تعبير على فكره انا مش ضد حريه الفكر والتعبير على الاطلاق بالعكس انا مع الفكر بس لما يكون فيه فكر اساسا مش مجرد دعايه وكلام فارغ وانتم كده بتشوهوا اللى انتم بتعملوه من نشاط لكل المدونين المصرين لما تدافعوا عاى واد عبيط زى ده وانا عارف انك هتقولى وحياه ابوك بلاش فلسفه وانا بقى اللى هقولك وحياه ابوك انت دور على حاجه تانيه تتكلم فيها وياخى مابلوى الناس كتتير من اول رغيف العيش لحد كل حاجه محتاجه نقد ودفاع فى البلد دى وبعدين انت ياعم ياللى بتقول حريه راى وحريه تعبير مش لازم تناقش كل اللى بيجليك ولا تشتم وتقول مش تكتب الرابط ومش تدخل عندى ولا هو زى اما بيقولوا لااجيلكم والا اشخ فى زيركم لا انت بجد احسن من كده وانا من زمان معجب بيك وبالمدونه بس مش اى حاجه نعقد نلطم عليها فيه حريه راى وتعبير زى ما فيه قله ادب والعاقل اللى يميز بين الاتنين وابقى سلمى على عربيه السجن اللم متشال فيها الحيوان اللى انتو هريين نفسكوا نواح عليه وعلى راى عمنا جاهين ........ وعجبى

بالهداوة كده ..

دلوقتى عبد الكريم ده ملحد و كاره الاسلام بالمسلمين و بيعبر عن كراهيته دى من خلال مدونته .. طب بيكتب و بيشتغل ليه لحساب موقع الاقباط المتحدون ؟! .. هو ملحد و بيقول على نفسه ملحد بيتعامل بأه ليه مع مواقع دينية مسيحية ؟ ! .. طيب هو مش عاجبه الازهر و شايفه فاسد بحكم انه بيدين الاسلام ذاته كعقيدة و كمؤسسات طب ممشيش ليه منها - من الاول - و سحب اوراقه منها و راح على اى جامعه تانيه ؟! ..

الموضوع مش بسيط و خرج تماما من نطاق حرية التعبير و دخل فى نطاق ابعد من كده بكتير و ملهوش غير تفسيرات محدده مش هذكرها على اساس ( ان الضرب فى الميت حرام )

السؤال الاهم و ده اللى متعلق بموضوع التدوينة الحالية هو .. ان القضاء لما بيحكم احكام ترضى البعض ( زى الافراجات عن المعتقلين السياسيين و ادانه المسئولين الفاسدين ) بيتغنى الجميع بنزاهة القضاء و مصداقيته و عدالته ، و لما تيجى الاحكام من نفس القضاء على غير هوى البعض ( زى قضية البهائيين و قضية عبد الكريم ) - نلاقى نفس الناس اللى تغنت للقضاء و نزاهته - ببتقوم بالتلسين على القضاء و رفض احكامه لدرجة ان اليعض ابدى ندمه و حزنه على مساندة القضاء فى وقت من الاوقات !

يعنى هو المطلوب قضاء تفصيل يمشى على اهوائنا ؟! .. الا ترى معى ان هذة ازدواجية فى المعايير ؟