تنتخبوا مين؟ و حبيبكم مين؟...احنا!!

Sun, 2005/10/30 - 01:47 — Manal

يا جماعة البلوج بتاعنا اترشح لجائزة صحفيين بلا حدود لأحسن بلوج في مجال حرية التعبير، ودي جائزة خاصة من ضمن جوائز مسابقة أحسن بلوج في مجالات و لغات مختلفة.

ياريت لو عاجبكم الموقع تروحوا تدونا صوتكم لأننا متبهدلين خالص، نازل قصادنا بلوجات نشطاء جامدين قوي و طبعا ليهم جماهير كتيرة..لكن أنا متهيألي أن الموقع بتاعنا مختلف شوية..مايعتبرش بلوج و بس، فيه حاجات تانية كتيرة.

برضه ياريت تدوا صوتكوا لواحد من البلوجرز/المدونين المصريين في جائزة أحسن بلوج عربي لأنهم متبهدلين برضه، مترشح للجايزة دي: طي المتصل و حوليات صاحب الأشجار و الوعي المصري و طق حنك و لنتعد الطبيعي و العدالة للجميع

برضه تقدروا تنتخبوا Our Media و Global Voices

Add new comment
2585 reads

Comments

Tue, 2005/11/01 - 04:26 — 3alababallah (not verified)

إيه الموضوع يا

إيه الموضوع يا بشر أعبي شوية ميكروباصات وآجي على فين ؟؟

لأ إحنا رجالة ولازم نقف وقفة رجالة ، وبعدين طبعا لازم الهتاف يكون محايد ، مفهوم محايد ، محايد علاااااااء علااااااااء Ow Ow علااااااااء علاااااااااء

أنا الصراحة جاي أهدي النفوس :p :p

Sun, 2005/10/30 - 18:29 — M Y

مسابقة غبية ولا بتستغبى؟

أنا انتخبت دلوكم لأني أريده أن يربح، لكن لا يوجد لديّ الإمكانية لمقارنة جميع المرشحين لأني لا أفقه شيئًا في الصينية ولا الفارسية، وبالتالي لا يمكنني الاطلاع إلا على 5 مدوّنات من الـ8 (4 لأن واحدة غير متاحة أصلاً). إذا عممت هذه الفكرة ستجد أن كل شخص يدلي بصوته سوف يختار فقط بين المدوّنات التي يعرف اللغات المكتوبة بها مما يجعل النتيجة غير عادلة لأنها سوف تكون في صالح المدوّنات المكتوبة بلغات أكثر انتشارًا.

أما عن المدوّنين المصريين فهو شيء يدعو للفخر أنهم 6 من الـ8 باللغة العربية، لكن للأسف معنى ذلك أن أصوات قراءهم سوف تتفتت بينهم ويصب ذلك في مصلحة نسرين وحواء الغامضة.

تبقى المسابقة غبية ولا بتستغبى؟

Sun, 2005/10/30 - 10:28 — hadouta

re: tentekhbo meen

أيوه...صحافيين بلا حدود...هي دي الجايزة اللي مفروض تاخدوها...وبعدين أنتوا أكيد نشطاء يا علاء ويا منال يعني...ما فيش أنشط من كده! :))

منال...إنتي بس رشحي نفسك يا حياتي وهتلاقي آلاف المعجبين...قصدي الأصوات :P

Sun, 2005/10/30 - 11:26 — alaa

المسابقة

المسابقة للمدونات مش للأفراد، الموقع كله مرشح مش علاء بس أو منال بس

و المنافسة على البند ده فعلا قوية جدا

Sun, 2005/10/30 - 00:02 — شريف عبد العزيز (not verified)

معاك يا ريس :)

بصراحة ..انا نفسي يا علاء تاخذ مركز متقدم في صحافيين بلا حدود

لانك مجهود يساوي مجهود ربما مئات المدونات معا

ربنا يبارك ان شاء الله

" أنما اللي حاصل في بند المدونات الصحفية العربية ده مسخرة. كفاية أن مش كل المدونات صحفية (الا اذا كنت أنا مش فاهم معني الكلمة). "

صح ...مدونتي انا مثلا خليط ...وغالبا فكرية عكيشن علي الاخر

Sat, 2005/10/29 - 21:50 — Lasto adri (not verified)

Salam squared li 3alaaa

mn 3'eer ma te2ol wallahi..

bl ro7 bl dam.. nefdek ya 3alaa...

LOOOOOOOOOOOOOOY *tal2teen fl hawa.. hehehehehe*

Sun, 2005/10/30 - 08:39 — Manal

3alaa bas??

mashy..mashy ya banyadmeen

Sun, 2005/10/30 - 08:44 — alaa

المعجبات

و النبي يا كماحة المعجبات من هنا و رايح يبعتوا رسايلهم بالايميل مش تعليقات، أنا راجل متجوز و أنت كده بتهددوا سلام أسرة و تخربوا بيوت الناس.

و أديكم شايفين، منال اللي عمرها ما بتكتب تعليق مسكت في الموضوع أهه.

Sat, 2005/10/29 - 12:57 — ikhnaton2

الاختيار صعب

الاختيار صعب يا أبو علاء لكل بلوج مزاقه الخاص.

--- Rami Sedhom http://ikhnaton2.manalaa.net

Sat, 2005/10/29 - 08:37 — رامي

اعتذار رسمي

يا سيدي ما أنا اعتذرت خلاص، هتعمل لي مظاهرة ولا إيه :)) ما عرفتش أترجم bit إزاي؛ بس جردل دي كان ممكن تلاقيها مكتوبة :غردل :))) كان مفروض أحمد غربيّة هو اللي يرشحك R

Sun, 2005/10/30 - 22:52 — Egyptian Person (not verified)

القيمة البولية

أي بت فيها 0 أو 1

يعني boolean

يعني بت ممكن تبقى القيمة البولية

Sun, 2005/10/30 - 23:07 — alaa

ايه يا عم عاوز

ايه يا عم عاوز الناس تترجم bit bucket جردل بولي؟

الملافظ سعد يا أخي

Sat, 2005/10/29 - 03:29 — رامي

أنا آسف! أنا

أنا آسف! أنا المسئول عن موضوع "الدلو" ده. ما لقيتش ترجمة تانية لـ Bit Bucket لما رشحت المدوّنة دي، وكنت فاكرهم هيظبطوها وبعدين، إيه "متبهدلين" دي؟ حرام عليك. ده إحنا ٦ مدوّنات مصريّة ومش عاملين دعاية ومتقسم علينا ييجي ٥٠٠ صوت، مقابل جميع المغاربة الذين سيؤيّدون نسرين واللبنانيين الذين سيؤيّدون حواء. ده إحنا جدعان قوي :) وهُمّ كمان... ـ R

Sat, 2005/10/29 - 06:11 — alaa

ما هو ده يبقى

ما هو ده يبقى معناه أن الأصوات رايحة بالجنسية (أو في ظني بالفرانكوفونية).

يعني لما موقعنا يتبهدل و ترتيبه يبقى التالت من تحت عادي لأن المنافسة فعلا قوية، و أنا و منال محصلناش أصلا نشطاء (و ان كان أظن موقعنا و استخدامنا للتكنولوجيا متميز أكتر بس بغض النظر)، أنما اللي حاصل في بند المدونات الصحفية العربية ده مسخرة. كفاية أن مش كل المدونات صحفية (الا اذا كنت أنا مش فاهم معني الكلمة).

Sat, 2005/10/29 - 02:44 — عمرو عزت

الدلو

أحب أحيي أحسن دلو معلومات علي الانترنت

" دلو معلومات منال و علاء "

ده الاسم الرسمي اللي هتلاقوه في التصويت

ألا صحيح ايه حكاية دلو دي ؟

Sat, 2005/10/29 - 06:15 — alaa

يع

الترجمة الصحيحة جردل بتات

و ممكن جردل بتاعات

أو جردل نحانيح

دلو دي تقيلة على لغة الصفحة، و بعدين فيها مغازلة للغيبيات و الروحانيات اللي مالناش فيها

و بعدين معلومات دي غلط خالص، ده سلطة يا عم، بتات تايهة و سايحة في بعض.

Manal and Alaa's bit bucket free speech from the bletches

Random image

tags used in blog posts

User login

Live discussions

Recent comments

Syndicate