Manal and Alaa's bit bucket free speech from the bletches

تم ترقية كل المواقع المستضافة على manalaa.net الي الاصدارة 4.7 من نظاام دروبال (ما عدا المواقع اللي مليش تحكم على نطاقاتها).

الاصدار الجديد مختلف في شوية حاجات، أهم حاة أن دلوقتي فيه نظام كابوتشي لمنع السخام (مفعل مبدأيا) و في نظام وسومات بجانب نظام التصنيف التصنيف التقليدي.

بالنسبة لمن كان يستخدم نطاقات .omraneya.net بشكل مؤقت يمكنكم استخدام نطاقات .manalaa.net من النهاردة

مبروك يا شباب و اللي تواجهه مشكلة يقول

يا عم علاء لازم تشوف حل في الخراء اللى انا فيها دا نداء استغاثة انسانى انت من يوم ما غيرت الزراير و أنا مش عارف اكتب و لا تدوينة انا هحاول اشرح لك الموقف في نقاط مختصرة 1-الفونت كانت مضبوط على تهامه .. دلوقتى لم يعد كذلك

2-المحاذاة يمين لم تعد موجودة كذلك أيضاً

3- النقطة الأهم قبل ذلك، كنت أكتب النص او التدوينة على صفحة الورد او اى معالج نصوص و انسق النس زى ما أنا عايز ثم اعمل منه كوبي و باست على المدونة، ينزل بنفس التنسيقات اللى انا كنت عاملها على الورد... دا كان أسهل و أجمل و بينجز معايا في الوقت أكثر ... لكن بعد ما عدلت الزراير اصبح دا شيء مستحيل ، كل ما اعمل باست لأى نص باكتبه ينزل زى ما هو و كل حاجة تبقي تمام ، اعمل له بقي  read more »

صاحب الأشجار عليه حاجات غريبة قوي يا أخي، قال ايه عايز يغير نمط اظهار التاريخ في تيمة دروبال بتاعته. مش فاهم يعني حبكت معاه التعقيد.

المهم الموضوع محتاج سطر php كل الحكاية

في التيمة بدل ما تقول

print $date;

هتقول

print format_date($node->created, 'small');

و ممكن تغير small و تخليها medium أو large, و معناهم بتحددة في صفحة الخصائص الرئيسية

لو عايز تظهر تاريخ أخر تعديل مش تاريخ عمل العقدة يبقى تستخدم $node->changed بدل من $node->created

و الكلام ده طبعا هيستخدم في ملف node.tpl.php بتاع التيمة. و تأثيره هيكون على الصفحات (العقد) فقط.  read more »

اليومين اللي فاتوا نقلنا مجموعة من فطاحل (حلوة فطاحل دي) التدوين المصري من blogger/blogspot لدروبال و استضفناهم على سيرفر manalaa.net.

• أفريكانو نقل لhttp://africano.manalaa.net
• جار القمر نقل لhttp://jarelkamar.manalaa.net
• ابليس نقل لhttp://shadow.manalaa.net

و النهاردة نقلنا مدونة مالك بس دي عند عزبي مش عندنا العنوان الجديد للمدونة http://malek-x.net

أغلب المدونات المصرية لسه بتستخدم خدمة blogger و للأسف برنامج blogger ضعيف جدا و ينقصه امكانيات أساسية لأي مدونة (أبسطها امكانية تصنيف التدوينات)، للأسف كمان المدونين الجدد أغلبهم بيسجل على blogger برضه.

لو بتفكر تبدأ مدونة جديدة أحسنلك تروح لخدمة مبنية على نظام ادارة محتوى حر/مفتوح المصدر و امكنياته متقدمة. برنامج Wordpress برنامج بسيط جدا و استخدامه يمكن أسهل من blogger و مع ذلك امكانياته أقوى بكتير، و في مكانين بيقدموا خدمة استافة مدونات wordpress مجانا

• http://www.blogsome.com
• http://www.wordpress.com

أو ممكن تنقل عندنا على manalaa.net زي الفطاحل اللي فوق دول و تستخدم Drupal، و ده من أحسن نظم ادارة المحتوى، دروبال مناسب جدا للمدونات لكن امكانياته غير محدودة و بيستخدم لعمل أي نوع من المواقع. لو عايز حاجة أزيد شوية من مجرد مدونة، أو عايز تفتح لنفسك مجال واسع من الامكانيات اللي ممكن تحتاجها في المستقبل يبقى مفيش أحسن من دروبال.

أحنا بنستضيف المدونات المصرية و المواقع المصرية الغير هادفة للربح مجانا و بنحاول نبني خدمة كويسة و بنحاول نبسطها و نسهلها خالص (و اذا كان بيسو بتاع ريد مور عرف يستخدمها يبقى لا يمكن تستعصى عليك)، دروبال مش ببساطة و سهولة wordpress بس يستاهل المجهود الزيادة (المجهود الزيادة في الأول بس، العمليات اليومية العادية اللي زي نشر محتوى جديد بنفس درجة البساطة في دروبال).  read more »

مدونات دروبال على manalaa.net

من موقعى هنا و من جذورى الطبقية الزراعية و مرجعية الفكرية الاقليمية

اطرح عدد من الاستفسارات تبدأ

1-كيف تتم عملية تغير الصورة الموجودة في اعلى المدونة كخلفية لاسمها؟؟ من... sitting أم من تعديل السيم نفسه؟؟؟

2-لا تزال مدونتى القديمة على بلوجر موجودة و ظاهرة، هل هناك كود معين يمكن استخدامه يحول المستخدمين الداخلين على (( ايام خيال الظل )) الى عنوان المدونة الجديد على دروبال؟؟؟

انا جيت اهو وبسئل

واحد اغير الثيمات ازاي ؟

او ارفع ازاي ثيم انا نزلته على الجهاز ؟

2- لما بدخل في الثيمس عشان ارفع صوره واخليها شعار(لوجو)يقولي التالي

• The directory files is not writable.
• File copy failed: no directory configured, or it could not be accessed.
• The directory files is not writable.

ازاي اقسم مجموعات وازاي اربط بينهم وبين الصفحه الرئيسيه ؟

يعني زي عندك هنا كدا في عـ اليمين

upcoming events

وعـ الشمال

other posts

اخر حاجه لدلؤتي

ازاي اضيف لنكات

(على فكره الشرح اللي انت حاطه في شرح دروبال حاسس انه مالهوش علاقه بالنسخه اللي عندي تماما )  read more »

المواقع الموجودة على manalaa.net بتمنع نشر تعليقات الزوار الغير مسجلين لحد ما مدير الموقع يفوت فيهم (comment moderation) و دي أساسا للحماية من السخام، صاحبة الموقع يحق لها أن تغير اعدادات drupal بحيث يتم نشر التعليقات مباشرة.

لكن المرور على طابور التعليقات عملية طويلة و مملة، عشان كده أضفنا خاصية جديدة، وحدة adminblock التي يمكن تشغيلها من زيارة administer->modules بتضيف بلوك Admin block يمكن تشغيله بزيارة administer->blocks

البلوك بكل بساطة هيبين قائمة بالتعليقات المنتظرة موافقة و روابط لتحرير التعليق (edit) و هو ده المطلوب لقرائة التعليق و نشره، و رابط لمسح التعليق (delete) و رابط للصفحة اللي التعليق هيظهر تحتها (node).  read more »

واحد علق عندى .... وفى صفحة ال

administer

مكتوب أن التعليق أتحط بالأسم كذا و بتاريخ كذا .... بس التعليق مش باين

اى حد يقدر يساعدنى؟

برنامج drupal اللي بنينا عليه خدمة استضافة المواقع الكصرية مجانا على manalaa.net يعتبر برنامج معقد بالمقارنة بخدمات بسيطة و محدودة زي blogger و يمكن يكون أصعب سنة من wordpress. لكن ده مش معناه أنه صعب بجد بالعكس البرنامج بسيط جدا في الاستخدام، المشكلة أن امكانياته كتير (و أنت أكيد مش محتاجها كلها على الأقل في الأول) و اللي بيحصل أن الواحد بيحاول يخبط في كل حاجة مرة واحدة و يتلخبط.

المقال ده عبارة عن مجموعة نصائح لتعمل ايه بعد ما تستلم صفحتك الجديدة، أنا هبدأ بأني أشرح ازاي تعمل الاعدادات و عمليات النشر الأساسية و هأجل شرح مفاهيم دروبال و مزاياه المتقدمة لمرة تانية.  read more »

يا معشر المدونين

بيان هام

خلاص أخترعت حل لنقل التدوينات بتعليقاتها من blogger الي drupal، و جربنا بالفعل الاختراع ده على مدونة هبل عملتها مخصوص عشان الموضوع ده و مدونة حقيقية و تقدروا تشوفوا النتيجة هنا

الكلام ده معناه أن أي حد نفسه ينقل على نظام قوي و لطيف بس كان محتاس في تدويناته السابقة يقدر يعزل عندنا بكل بساطة و سلاسة

بفكركم تاني أن منال و علاء بتقدم خدمة استضافة مواقع مبنية بنظام دروبال مجانا للمصريين و المقيمين في مصر. و اللي عاوز يعزل يتصل بينا.  read more »