Manal and Alaa's bit bucket free speech from the bletches

أخويا علاء ربنا يباركلك ياشيخ, أخيراً واحد بيتكلم على موضوع التطبيع ده اللي من ساعة ما الجدع علي سالم ما راح إسرائيل والناس هنا اتقلبت عليه وانا مش فاهم ايه اهميته يعني. لو تطبيع العلاقات معناه ان احنا يبقى عندنا سفير من عندهم ويبقالنا سفير هناك طيب ماهو ده اللي حاصل دلوقتي وهما بييجو يصيفوا هنا ويتفيحوا وماحدش قال ان اللي شغالين في سيناء ناس مش ضد التطبيع, الله؟ هما مش بيتعاملوا مع الإسرائيليين هما كمان؟ سواء عرب 48 أو لا. وكلامك عن مقاطعة الأمريكان برضه سليم 100×100 يعني اشمعنى دول ودول لآ, الراجل بقى يطلع يقول مش عايزين تطبيع مع أمريكا كمان بس احنا الحمدلله دولة الكيل بمكيالين -اللي هي نفس الحاجة اللي بنعيبها عليهم هم واحنا اول ناس تعملها- تقول ايه بقى, جهل مننا وتخلف وحنفضل ان شاء الله محلك سر ورافضين للتطبيع لحد ما القضية تتحل. عموماً أنا من الناس اللي بتؤمن بأن حل القضية دي في ان احنا نصلح من نفسنا الأول, وعلى رأيك احنا متراجعين في جميع مجالات الحياة "حتى السبباكة" ومتصورين ان احنا كدة ممكن نحل مشكلة فلسطين وبنشكي لطوب الأرض من ان حقنا مهضوم, طيب مين بالذمة حيعبرنا لما احنا مالناش أي وضع اساساً لااقتصادي ولا ثقافي ولازفت الطيني ويقوللك العودة إلى الله اللي ماجبتلناش إلا تكفير الناس والعزلة عن المجتمع. يعني مش فاهم كل ماحد يربيلي دقنه هما كمان يقاطعونا احنا؟ داحنا بقينا ولا عرب 48 احنا كمان, معزولين جوا مجتمعنا. ثم صحيح, ليه ماحدش اتكلم عن إعادة نشر الرسومات الدنماركية ولا حد اتكلم عن فيلم bruce allmighty اللي فيه تريقه على الألوهية هو الآخر. حد يفهمني ياجماعة وياريت نعمل لستة بالحاجات المرفوضة ولا هم بس عشان يهود نقوم خلاص قالبين الدنيا, والله مانا فاهم حاجة. أنا شخصياً بادعوا لمقاطعة كل اللي بيسبوا الدين واللي بقت ظاهرة في بلد يدعي أنه اسلامي ومتحفظ وبلا بلا بلا وطول مانا ماشي عمال اسمع سب الدين. ياخي أحه...

ليه كده ياعم علاء أنا بحبك والله وبقرالك بقالى فترة ورغم ان ناس كتير مش بيحبوك عشان انت _آسف_ قليل الأدب بس انا بحبك بس دلوقتى أنا زعلان منك جدا بقى تقول على الاسطورة عمرو دياب أغانيه مكررة حرام عليك ياراجل ده أحسن مطرب فى الوطن العربى وهو صاحب المدرسة اللى كل المطربين دلوقتى ماشيين عليها أنا دخلت الموضوع بالصدفة البحتة وواضح انو قديم يعنى انتا أكيد مش هتشوف ردى بجد زعلتنى جدا

لو سعاد ماسي بضان مين بقي اللي لسه بيقدم فن؟؟ ؟ ؟ ؟ ؟

الجماعة اياهم في فلسطين المحتلة ( هو قي غيرها ؟) وبقية الاراضي العربية من المحيط الى الخليج المحتلة ايضا اتهموا محمود درويش بالخيانة والعمنالة والتطبيع . ليه ؟ عشان درويش قبل دعوة من مؤسسة " مشارف " التي اسسها اميل حبيبي في حيفا ليحي ليلة على جبل الكرمل يلقي فيها شعره . لكن لابد من الحصول على تصريح من سلطات اسرائيل لدرويش . وبالتالي حينما وافق رئيس الوزراء شخصيا بعد مفاوضات صعبة وتأخيرات .. احتشد الألوف اي نعن الألوف ليسمعوا درويش ووضعت الهيئة المنظمة شاشات كبيرة للذين لم تسعهم القاعة وقدموا من قراهم البعيدة . لكن بتوع النكد زعلوا ..ازاي يستمع ويستمتع الفلسطينيون في الآرض المحتلة اللي كلها نكد بليلة مع درويش .. فقرروا ان ينكدوا عليهم وعلى درويش واتهموه بالعمالة والخيانة وطبعا اتوماتكلي كل من استمع لدرويش هذه يفكرني بنكتة لبنانية قديمة لكنها بارعة ايام الاحتلال السوري ..ايوه الاحتلال السوري للبنان تقول النكتة : عسكري سوري من البادية واقف على حاجز عسكري في قلب بيروت سأل واحد لبناي قائلا : : خي ممكن تقول لي شو يعني اتوماتكلي ؟ " فرد اللبناني ان الموضوع صعب واستأذن العسكري ان يضرب له مثلا متخذا كس اخته مثالا متضررا فوافق العسكري فقال اللبناني " لنفرض ان اختك شرموطة " قال العسكر محتجا غاضبا " شو ها الحكي يا زلمة ؟ اجاب اللبناني ان الموضوع فلسفي ومعلهش لازم اضرب مثالا بأختك وافق اععسكري كرر اللبناني " لنفرض ان اختك شرموطة .. فانت اتوماتكلي اخو الشرموطة " فاكرين حينما استلم اميل حبيبي جائزة اسرئيلية تقديرا لأدبه انهم اتهموه بتوع النكد هنا في مصر الحتلة بانه عميل وخائن وانه اتوماتكلي اخو الشرموطة ؟

هي المشكلة بتاعتنا مع اسرائيل ايه بالضبط؟المفروض نجاوب عن السؤال ده قبل اي شيئ و قبل اي كلام عن المقاطعة مشكلتنا مع اسرائيل انها نظام فصل عنصري بيمنع العرب من الحياة بحرية بيتهيألي العرب في اي مكان في العالم ممنوعين من الحياة بحرية حتى في اوطانهم الاصلية اما الكلام عن حق الفلسطينيين فى الارض فده وهم لان دلوقتي في اسرائيل اجيال كاملة اتولدت فيها بعد اعلان الدولة سنة 48 و ليها حق فى اسرائيل او فلسطين اكتر من حق الفلسطيني اللي عايش في مخيمات في لبنان او سوريا او اي بلد تاني الموضوع حقوق انسان و لو هنقاطع يبقى نقاطع البلاد العربية فى الاول و اولهم مصر اما ان الارض بتاعة مين فالارض ملك لكل البشر و من حق اي انسان انه يختار المكان اللي يعيش فيه ، عايز اقول حاجة ان احوال الفلسطينيين في غزة و الضفة احسن من احوال المصريين في الزقازيق و كفر الزيات بالمناسبة مين سعاد ماسي دي؟

as I read that mubark is sad / angry whatever coz sa3d el din ibrahim met bush in Czech republic! i wonder will sa3d el din ibrahim has the right to be angry if mubrak met bush? the issue that we all agreed to sell sa3d / mubrak / ana / entah whoever.

so the point if we all gonna sell "el balad" so why should i let u sell if i can do it myself and i get the price?

that's why mubrak does not wanna another seller coz he believes that he himself is a real good seller and wanna the price for himself.

bas ya siidi that's the story. simple like that.

ur egyptian brother....

Ahmed

انا شخصيا لا اري في مقاطعة اسرائيل (شعبيا) اكثر من موقف اخلاقي و هذا لان الصهاينة لا يهمهم مقاطعة جيرانهم العرب لانهم يعتبروننا كائنات دونية....كما ان حكوماتنا العربية ماضية في طريق التوريث اسرع مما نتصور....اما التطبيع يا استاذ علاء فهو بكل بساطة التعامل مع الكيان الصهيوني علي انه من دول الجوار الني يمكن اقامة علاقات معها سواء كانت اقتصادبة, سياسية,فنية او حتي رياضية .

يا لهوي يا ما

انا ح اقطع علاقتي بمالك هلبت اتكلم عن البوست بتاعك رحت داخلة ع البوست بتاعك واناكف فيك شوية تناكف فيا شوية ادخل عند مالك تاني

الاقيه سايب لي يا خويا شوية لنكات افتح شوية من اللنكات يا دهوتيييييييييييييييييييييييييييي يا دهوتي ع البوستات والابضن التعليقات

انت؟ ده انت قمر حقك على راسي من فوق ياخويا انت لازم زاعق لك نبي عشان كده ربنا عاقبني ولبسني في المدونات قسم بكابورتات اللي سايبهالي مالك

ايه ده؟ الا انا شفت ناس كتير وقليل من اول الناس اللي بتاكل من الزبالة وبتحبل بناتها واخواتها لحد اللي قبل ما يطلع السيجار يقول بنحنحة: حد من الهوانم بيتضايق من السيجار؟

ما شفتش ناس راضعين زبالة زي الاشكال اللي شفتها ع المدونات سواق اللي كاتبين البوست وللا اللي معلقين اسقط في يدي ولا حتى سبت تعليق ح اقول ايه؟ لازم اشوف صحاب المدونات والمعلقين بتوعهم وارجع في وشهم ده ابلغ رد

معلش يا سيد الناس يا هواري يابن الناس يا عاقل عندي انا دي

بس والنبي كفاية دعاية لسعار ماسي في نور الله دي ولا حد يعرفها اساسا

معرفش في التاريخ أي محاولة أخرى للانعزال و المقاطعة التامة للعدو. أول مثالين بييجوا فى بالى: مقاطعة الهنود خلف غاندى للأنجليز أو ما سمى بعدم التعاون، ومقاطعة قريش لبنى هاشم، مع الفارق أن النموذجين كانو بيعبرو عن موقف تكتيكى ليه أهداف محددة وواضحه، مش موقف أخلاقى أو حتى أستراتيجى.

مش معاك حق قوى يعنى...متفتكرش نفسك فلوطة!!!!! كل الكلام اللى قلتة مضبوط بس سعاد مسى صوتها جامد فشخ و أغانيها جامدة ما بعد أخر حاجة بتشبه سوسو بمصطفى قمر؟فعلا...دة أخرك فى المزيكا أنما حقول ايه...ماهو انت خريج معهد امبابة!!!!

انا لااعرف اى شىء عن سعاد ماسى ولكن مع احترامى الشديد لطريقة المناقشة المحلاة بالالفاظ الصادمة اود ان اوضح:

لم يهاجم احد اهداف سويف لزيارتها فلسطين كمراسلة للجارديان وبغرض الكتابة عن محنة الشعب الفلسطينى الا بعض المخابيل وقد يكون الهجوم لاغراض اخرى كالغيرة وخلافه انا شخصيا ممكن اتعامل مع اسرائيلى معادى للصهيونية

انا شخصيا تعاملت مع 2 اسرائيليين فى مصر رجال اعمال بيشتروا منا بضاعة وطلبت من رئيسى عدم تكرار ذلك ووافق

التشكيك فى جدوى المقاطعة الان منطقى جدا فى ظل العولمة والتداخل الشديد والجنسيات المتعددة لكن اود ان اذكر بان حصار النظام العنصرلى بجنوب افريقيا ومقاطعته كانت احد الاسباب الرئيسية فى سقوطه صحيح الزمن غير الزمن والظروف غير الظروف

اسرائيل محتاسة وامريكا نجحت السبب هو غياب عنصر المقاومة فى حالة امريكا يعنى لايوجد هنود حمر الان يطالبون باستعادة اراضيهم ولو بطلنا نقاوم اسرائيل لو يطل الفلسطينيون المقاومة اللى ساعات بتكون غير منطقية وبدون نتيجة محسوسة لو بطلوا المقاومة حتنجح اسرائيل وحتخرج من الحوسة وحيبقى الفلسطينى زى الهندى الاحمر

المقاطعة مطلوبة وضرورية ضد امريكا واسرائيل بس صعبة-خاصة فى حالة امريكا- وشبه مستحيلة اليوم

المقاومة نفسها قد تبدو احيانا بلا نتيجة يبقى نبطل نقاوم؟ ناخد على قفانا وتحتل اراضينا ونبطل نقاوم؟ وايه المانع حد يقول لى ايه فايدة المقاومة ؟

واحد دقة قديمة

لو دورنا على كلمة "normal" ف نص الاتفاقية هنعرف يعني إيه التطبيع المطلوب وارتباط الالتزام بيه بتحقيق وعود راعي الاتفاقية.

من كل النواحي الحظر اترفع ع الأقل، مع نفور ومقاطعة فعلية من الشرائح العريضة في ظل حالة إنكار وعدم تصديق وانفصال بين الشعب والمثقفين والحكومة.

الموضوع بالنسبة لكل المقاطعين مش ستراتيجي بل أخلاقي وتطهري لأن الصراع مع إسرائيل ووجودها رغم كل شيء مسألة وجود، رغم كفر الناس بالقومية العربية وبعد ما القضية اتنقلت لجبهة إسلامية بترسم حل وصورة وسيناريو أفضل.

ما تقارنش بين أمريكا وإسرائيل بالبساطة دي. فيه ربعمية وخمسين سنة فرق وظروف نشأة مختلفة، عالم وعالم. قوة استعمارية جديدة وجيب استعماري وسط بلادك مبهدل كرامتك ومهددك.

اللي انا معاك تماما فيه إننا ف حالة حرب مع دولة أمن الدولة المنافقة ومفيش حل مع الأولانية قبل حل مع التانية.

لكن إحنا متورطين ف معاهدة دلوقت، هتقاطع ثقافيا وشعبيا هيفضل فيه بضايع وغاز وتحييد وإحساس عميق بعدم التسوية والعار والوضع المعلق السيء بتاع اللاسلم واللاحرب، قومية عربية فاشلة وصراع ديني مالوش في السياسة. وجوا إسرائيل نفسها فيه فكرة إن إسرائيل ما تبردش وما تترخيش ف علاقات طبيعية فعلا مع جيرانها.

هو احنا أصلا عايزين إيه ولا الفلسطينيين عايزين إيه؟ ومعادين الصهيونية جوا إسرائيل هيعملوا إيه؟ الدنيا فوضى!

الا مين سعاد ماسي دي؟

على حد فهمي و شعوري ، مقاطعة اسرائيل سببها الأكبر عشان هي في يوم من الأيام احتلتنا ، في حين ان امريكا ماحتلتناش ، هاتقولي طيب ماهو بريطانيا كانت محتلانا زمان ، و علاقتنا معاها كويسه دلوقتي ، هاتلاقيني مش لاقي رد بتفكرني بأبو واحد صاحبي ، في فترة من فترات الاشتعال لقيت صاحبي بيقللي عايزين نروح فيلم " تايه في أمريكا" بتاع خالد النبوي ، أبوه رد و قال ماحدش يتعامل مع أي حاجه ليها علاقة بأمريكا ، الواد قاله يا بابا ده فيلم مصري و اسمه كده " تايه في أمريكا" أبوه فكر شويه و قاله برضو ماتروحوش المعنى واضح ، مافيش سبب منطقي للمقاطعه ، دايما المقاطعه عامله زي ما أنا مخاصم فلان عشان اختلاف في الآراء أو عشان ضربنا بعض قبل كده ، و بالتالي احنا اتخانقنا في يوم من الأيام مع اسرائيل فعشان كده احنا لسه مقاطعينهم الموضوع له علاقة بمين اللي فشخ التاني في الآخر ، يعني احنا طلعنا الإنجليز من مصر و طردناهم شر طرده عشان عبد الناصر هو اللي طلعهم ، و بعد ما كانت الامبراطورية اللي الشمس مغطياها على طول بقت يا عيني دوله صغننه و لا تسوى ، ده غير انهم مش بيحنوا لأيام الماضي المجيده بتاعتهم - على حد علمي - لكن الاسرائيليين من ناحية تانية لسه بيتبجحوا بقوتهم ، و كمان احنا بشكل غريب جدا عندنا حالة من عدم الإيمان بالانتصار في 73 ، أو إننا ماخدناش بتارنا بالكامل في الحرب دي أنا مش مع المقاطعة على الإطلاق ، و شايف ان الخاسر دايما هو اللي بيقاطع ، و ان الضرر الوحيد للي بيتقاطع هو ضرر معنوي أو نفسي ، و مع ذلك باحاول ألاقي سبب منطقي يخلي المقاطعة مفيده و نافعه حتة الضغط على الجيوب و ان لما الشركة مش هاتبيع يبقى هاتروح تضغط على حكومتها ، يعني الفكرة ساذجة جدا ، كوكا كولا شركة ضخمة وقديمة ، و الموضوع بالنسبالها دلوقتي تحصيل حاصل ، بمعنى ان لو البلد كلها قاطعت ده مش هيأثر على مرتبات العاملين و لا على أصول الشركة و لا على ضرايبها ، لأن مكسب كوكاكولا المتراكم خلال السنين اللي فاتت ممكن يدعم أمريكا نفسها في حالة الإفلاس ، فما بالك بشركة واحده؟ من ناحية تانية يمكن المقاطعة تكون ناجحة مع شركات او مؤسسات صغيرة ماكدونلدز مصر كانت شراكة عجيبة شوية ، بين محمد منصور و ماك في الجيزة و اسكندرية ، و بين نجيب ساويرس و ماك في القاهر و مناطق تانية ، ماتفهمش لما المقاطعة حصلت و المبيعات قلت نجيب ساويرس سحب ايده من الموضوع و فض الشركة ، شوية كده و ماك الشركة الام قررت انها تسحب ايدها ، محمد منصور قال انا هاشتري الحصتين و أكون المالك الوحيد للشركة في مصر ، طبعا مع اشراف الشركة الام على جودة المنتجات ، اللي هي أصلا غير جيدة ، طيب مصير ماكدونلدز مصر دلوقتي ايه؟ قفلت؟ فلست؟ و إذا كانت المقاطعة مفيدة للدرجة دي ، ليه مانروحش نقاطع شركات المحمول اللي خدمتها سيئة جدا لمدة يوم واحد؟ ، مش كده أحسنلنا ، على الأقل ممكن نجبرهم على تحسين الخدمة أو تقليل سعرها؟ طيب و ليه مانتفقش على اسبوع ماحدش ياكل منتجات اللحوم ، مش ده هايأثر على أسعارها؟ أو مثلا ماحدش يشتري بيض لمدة اسبوع ، أهي دي تقطم وسط أي حد شغال في البيض ، و تخليه يتربى و يبيع البيضه بشلن ، بس ماحدش عملها قبل كده ، يا ترى ليه؟ يمكن المقاطعة المحلية ماتكونش مفيده او فعاله عشان صعب تجميع الجماهير ، أكيد انت مش هاتخللي المصريين يتفقوا على مبدأ واحد لمدة ساعة ، فما بالك بأسبوع أو كذا يوم ، كمان يمكن تأثيرك على فودافون و موبينيل هايكون ضعيف ، هما خلاص توحشوا ، بس أكيد هايكون ليك تأثير على مزارع العجول و الجزارين و البقالين و مصانع الزبادي و الحليب و غيره ، لأنها مش مؤسسات ضخمة أو ليها احتياطي بتصرف منه لما تخسر ، ده اللي بيخليني أتساءل ليه مابنقاطعش محليا من ناحية تانية ، و بعيد عن موضوع الأسعار الغالية و جودة المتجات اللي زي الزفت ، أظن إن أي مشكلة ممكن تتحل بالنقاش ، بما فيها مشكلة فلسطين ، و إذا كانت ماتحلتش بالنقاش لغاية دلوقتي فلأن الناس مش عارفه تتناقش ده غير إني سألت السؤال ده قبل كده ، إذا كانت المقاطعة مجدية للدرجة دي ، ليه السياح اليهود مش بيقاطعوا السياحة في مصر؟ كمان ليه مش بيقاطعوا سعاد ماسي و يمنعوها من دخول اسرائيل لأنها دخلت الدول العربية كلها قبل اسرائيل؟