Manal and Alaa's bit bucket free speech from the bletches

يا جماعةالجكومةديه عايزة قنبلة تتفجر فيها وتريحنا احنا لسه هنعمل احتجاجات ومظاهرات تاني طيب هم ف سنة 1977 كانوا بيهتفوا ف المظاهرات - اللي سماها الماسوف ع شبابه انور وجدي الشهير بالسادات- كانوا بيهتهفوا باسم رئيس مجلس الشعب سنتها سيد مرعي وكانوا بيقولوا سيد مرعي يا سيد بيه كليوا اللحمة بقي بجنيه دوقتي احنا هنقول ايه جمال مبارك يا عبيط كليوا اللحمة بقي بالتقسيط ولا ايه ؟

ولا نقول يا نظيف يا نظيف نفسي اشوف البلوبيف

يا جماعة النظام السياسي اللي حاكم دوقتي -ع غباؤته - الا انه من اذكي الانظمة لانه ربط كل الناس من اول ما يصحوا لغاية ما ينموا برغيف العيش

وياليت كل الناس تفكر ف المظاهرات ع انها وسيلة لمحاولة جلب الحق لرجل الشارع العادي مش انها وسيلة لولادة كفاية او غيرها

عشان الحكومة متقوليش للناس بصوا شوفوا بيستغلوك ازاي لمصالحهم وانشاء الله اقدر اشوفك يا علاء ف المظاهرة

أنا معاك في أنها فكرة كويسة لكن مش هتنجح الا اذا عدد كبير مننا تحمسلها و بدأ يحشد و يجهز ليها من دلوقتي

تعالى نتكلم بصراحة، مشكلة كفاية مش بس في قياداتها العواجيز، شبابها برضه مارسوا نفس الأخطاء، و مشكلة كفاية مش بس في قياداتها و هياكلها التنظيمية، كلنا عارفين أن نصف شغل كفاية كان معتمد على مبادرات فردية أو لمجموعات صغيرة، مثلا مظاهرات و اعتصامات متخلفين من أجل التغيير و 30 فبراير، حتى أنجح حركة فرعية من كفاية اللي هي شباب من أجل التغيير كان نجاح فعالياتها مرتبط بمباردات فردية لشباب ينزلوا القهاوي مثلا يقولوا للناس على المظاهرة أو غيره من المبادرات.

يبقى نقدر نقعد نبرطم على اللجنة التنسيقية معرفش مالها و القيادات عرفش جرالها ايه، أو نقدر نتقابل و نخطط و نتحرك و نشتغل و الاختيار بأيدينا و كفاية منامتش الا لما الناس اللي كانت بتاخد مبادرات أنتخت (و أنا منهم طبعا).