Manal and Alaa's bit bucket free speech from the bletches

انا شايف بصراحة كدة ان الشباب الى عمل الاستعراض المسرحى دة شباب غبى فشخ, لانهم ادو الفرصة لنظام المافيا الى بيحكمنا انة يتمادى فى بلطجتة ودعايتة الى بتخدع الشعب المطحون الغلبان وتخوفة من الاخوان .المفروض عشان يوصلوا للحكم بصحيح انهم يصمدوا امام التزوير و البلطجة و يستنوا الراجل التخين لما يغور ولا يتشل زى صاحبة (خنزير السلام)وسعتها يوروا قوتهم لأن دلوقتى خولات الامن هيطلعوا ميتنهم فى الحبس من غير فايدة لأن الناس يا مطنشين يا خايفين يا مش عارفين الى بيحصل فيهم من كتر البلاوى الى علا دماغهم(تخيل لما تعيش انتا وعيلين ومراتك بمتين جنية فى الشهر فى الزمن دة وشوف اذا كنت ها تفكر فى البلد دى والى بيجرلها .

can't find the link beta3 amr abdullah da btw great job

لا احا بقي بصراحة يا علاء ملكش حق ازاي تدافع عن الارهابيين المتطرفيين الرجعيين الوهابيين السلفيين المتخلفين اعداء الله واعداء الوطن ؟؟؟؟؟؟؟؟؟؟

ازاي تدافع عن السبب في تخلفنا وفسادنا وديكتاتورية حكمنا وقمعنا ؟؟؟؟؟؟؟؟؟؟؟

ازاي تدافع عن شباب الاخوان الجامعي اللي بيطالبوا باتحاد حر وانتخابات ديمقراطية باشراف اي جهه موثوق بشفافيتها ؟؟؟؟؟؟؟؟؟؟؟؟؟؟؟؟؟؟

ازاي تدافع عن شباب كليات الطب والصيدلة والهندسة والتجارة والاداب والعلوم والتربية الاخوانجية وهما سبب شقاء هذا الشعب ؟؟؟؟؟؟؟؟؟؟؟؟؟؟؟؟؟؟؟؟

ازاي تدافع عن بنات حركة الاخوان بالجامعات وهما يعني بصراحة مغطيين شعورهم وليسوا كالورود علي راي المفتي فاروق حسني ؟؟؟؟؟؟؟؟؟؟؟؟؟؟؟؟؟؟

ازاي تدافع عن افكارهم الهدامه ونازيتهم ومحاولات تسلقهم للسلطه والانقضاض علي الحكم بمصر حتي يضعوا عصاة في مؤخرة كل مواطن مصري ؟؟؟؟؟؟؟؟؟؟؟؟؟؟؟؟؟؟؟؟؟؟؟

ازاي تدافع عن شباب الاخوان اللي عمل عرض شبة عسكري وخض مصر كلها واحنا شعب طيب مسالم مش واخد علي الحاجات دي ؟؟؟؟؟؟؟؟؟؟؟؟؟؟؟؟؟؟؟؟

ازاي تدافع عن شباب حاولوا يقولوا لا ويعترضوا ويعملوا اعتصام ويفوقونا من غيبوبه 25سنة في 15دقيقة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ازاي تدافع عن من هوة وجودهم سبب غرق العبارات وتصادم القطارات وتشريد اطفال الشوارع ونشر الامراض بمختلف انواعها ومجموعه لا تحصي من الكوارث القومية وفساد ونهب للمال للعام وبيع القطاع العام وتقسيمه علي اعضاء الجماعه والهروب باموال البنوك واغتصاب الشرفاء باقسام الشرطة واذلال المواطن كاسلوب لتركيعه ؟؟؟؟؟؟؟؟؟؟؟؟؟؟؟؟؟؟؟؟؟؟؟

ازاي تدافع عن شباب بيعبد الله وبيصلي ويصوم ومشهود لاغلبه بالتدين والصلاح وبيمارس دور سياسي ومشغول بهموم الوطن ومستعد يضحي بنفسه في سبيل قضية مؤمن بيها ومبيخفش غير الله ؟؟؟؟؟؟؟؟؟؟؟؟؟؟؟؟؟؟

ازاي وازاي وازاي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بصراحة يا علاء ملكش حق فعلا

شكلك كدة راسم علي منصب مرشدالعام للاخوان

كالعادة استغل النظام امور بسيطة لتضخيمها و جعلها قضية رأى عام لتحقيق اهداف سياسية بحته بعيدة كل البعد عن حكاية حماية الامن و النظام و غيرها من الادعاءات التى اثبتت زيفها .. مسرحية ككل المسرحيات التى ملأت حياتنا السياسة و الاجتماعية

بغض النظر عن مدى صحة تصرف الطلبة من عدمة فكان الاولى ان يتم التحقيق من داخل الجامعة و فى نطاقة فقط و ليس فتح ابواب الجامعة من قبل عمم و مشايخ الازهر لكى تدخل قوات الامن لتعتقل طلبة الاخوان من اماكنهم داخل الجامعة .. ثم كيف تداهم قوات الامن الحرم الجامعة لتختطف الطلبة من اماكنهم .. هذة مسخرة امنية لا يمكن قبولها تحت اى مبرر

اعتقال صاحب العبارة اولى من اعتقال خيرت الشاطر

اعتقال مروجى الفتن المذهبية من التيار السلفى اولى من اعتقال القطب الاخوانى الوطنى المعتدل عصام العريان

القبض على الشباب الذى يتعلم كيف صناعة القنابل و المتفجرات و يعيش على فتاوى المواقع المتطرفة لضرب مصر من الداخل اولى من القبض على شباب معتدل وطنى يتشبه بمقاومة شريفه ضد محتل غاصب اسمه اسرائيل

اعتقال مدمنى المخدرات و البانجو من اولاد الذوات اولى من اعتقال الطلبة السياسيين

ثم منذ متى و الاجهزة الامنية تتمتع بالمصداقية التى تجعلنى اصدق ان ما حرزته من اسلحة هى كانت لهؤلاء الشباب ؟! .. هل كانت صادقة فى تناول قضية بنى مزار ؟ .. و انتهاك الصحفيات ؟ .. و طاقم العبارة المختفى و صاحبه الهارب ؟ .. و الانتخابات البرلمانية التى زورت فى عدة دوائر ؟ .. و المعتقلين فى سيناء ؟ .. ثم فبركة قضية التوربينى مغتصب الاطفال التى ستكون حلقة جديدة من مسلسل الاكاذيب الامنية !

ما حدث هو جزء من لعبة الشد و الجذب بين الاخوان و النظام و هذا لا يعنينا فى شىء و لا يجب ان نأخذ موقف مع فريق ضد فريق لاننا لا نعلم حقيقة ما يحدث .. و لكن ما يعنينا هم الطلبة الذى تم اعتقالهم و اختطافهم من داخل جامعاتنا المصرية و يجب ان نقف جميعا ضد هذة الاعتقالات .. شباب الاخوان للاسف هو الذى يدفع وحده الثمن من حريته ..بسبب مسرحيات النظام و ايضا بسبب اخطاء من قيادات اخوانية - التى تتحمل مسئولية ما يجابه هؤلاء الطلبة

يجب ان نتوحد جميعا الان بكل انتمائتنا السياسية و الفكرية المختلفة للافراج عن طلاب الاخوان المعتقلين .. فكلنا معرضون لهذا المأزق سواء طلبة اخوان او غير اخوان اذا ما عبر احد عن رأيه و طرح افكاره (( داخل الجامعة ))

و كما قال الشاعر الراحل نجيب سرور :

الوعد على الكل لا شيوعى و لا اخوان و اللى قتل شهدى جلادك يا سيد قطب

افرجوا عن طلبة الاخوان

لا لاقتحام الامن للجامعات

الإعلان جا متأخر شويتين. مش كدا!

بصوا بقى الإخوان زفت وهيجرونا كلنا لورا ومصير مصر لو اتنيلوا مسكوها هيكون أسود من قرن الخروب المسوس... كل دا واقع لا مناص من الاعتراف به

الاستعراض العسكري كان بجد ومكانش نهريج... برضه واقع وما نستعبكش ونهرب منه... ما كلنا عارفين إن الإخوان عندهم معسكرات تدريب قتالية... زي ما عارفين إن إسرائيل عندها نووي... ودا ما يفرقش فيه إذا إسرائيل مثلا أنكرت أو أثبتت

المهم

بغض النظر عن المقدمة اللي فاتت وبتوضح موقفي تماما من رفض الإخوان (كفصيل سياسي) لكن أنا مع حريتهم بالطبع وبالقطع وبلا جدال ولا نقاش... هما زفت وخرا وهيودونا في ستين داهية... دا رأيي ... لكن ما أقدرش أطالب بنفيهم أو نفخهم ولا بإقصائهم من الوجود ولا بإقصائهم إلى رطوبة وظلمة زنازين طرة وأبي زعبل عشان نرتاح من قرفهم (وهو قرف لو تدركون عظيم)... على فكرة أنا رأيي برضه الشخصي إن الإخوان مش بس فصيل سياسي فاسد لكن كمان فصيل سياسي لابد من إقصائه من العملية السياسية بالكامل (ولكن ينبغي أن يتم هذا من منطلق شعبي لا منطلق حكومي أمنوي سلطوي ابن كلب)... الإخوان يرفضون أساس المواطنة كأساس واحد للوجود في هذا الوطن (وكل الإسلاميين والتقليديين كدة للعلم...) وبالتالي لابد من إقصائهم من كل تحالفاتنا الوطنية لأنهم لا يؤمنون بالوطن (اللي هو مصر) لكن يؤمنون بالأمة اللي هي الإسلامية طبعا واللي جنبها يبقى طظ ف مصر وأبو مصر واللي ف مصر

اللي فات كله دا بس موقفي الشخصي من الجماعة... واللي يتلخص في رفضهم كفصيل سياسي وشريك في الحركة الوطنية لكن في ذات الوقت حقهم في التواجد وفي التعبير وفي نشر رسالتهم وفي حتى التنافس على السلطة وفي التواصل مع الشارع والتأثير عليه

دا حقهم زي ما هو حق أي جماعة أو فصيل آخر

ومن ثم فإننا نطالب بالإطلاق الفوري لسراح كل شباب الإخوان المعتقلين وبتوفير أجواء من العدالة الحقيقية في التعامل القانوني معهم

ودا مش هيحصل لأننا تحت قانون الخرا الطوارئ اللي بيخلي المواطن ما يتحاكمش قدام قاضيه الطبيعي وتتطبق معاه إجراءات العدالة الطبيعية

القبض على شخص في بلادنا بيتم فقط بمزاج وبقرار أشخاص وسيبان نفس الشخص بيرجع برضه لمزاج نفس الأشخاص أو غيرهم... مش دي وكسة سودا!!؟؟؟

الحرية الحرية الحرية الحرية لكل سجين رأي الحرية مهما اختلفنا معهم في الرأي

الحرية حتى لمن لا يؤمنون بها الحرية للطلبه المعتقلين علي ذمة احداث جامعه الأزهر

لو لازم يتحاسبزوا يبقى بس لانتهاك حرمة الحرم الجامعي مش لأسباب سياسية ولا لأسباب تتعلق بحرية الرأي وساعتها أعتقد التأديب الدراسي بلفت النظر أو بأي عقوبة أدبية مناسبة سيكون كافيا