Home

منتدي للمدونين و أصحابهم

Sun, 2005/09/25 - 16:24 — alaa

في اطار التطوير الهادئ لموقع Manalaa تم بحمد الله انشاء منتدي المدونين الوطني الأول

و طبعا كلنا بنحب المنتديات جدا جدا جدا جدا

نتكلم جد شوية؟

أنا عملت منتدي على الموقع فعلا أساسا عشان اللي عنده أسئلة تقنية عن أدوات و محركات التدوين، و ده بعد ما لقيت أن أنا و غيري من اللي توسمتم فيهم المعرفة بيجيلنا رسائل كتير تسأل ازاي أعمل كذا و أزاي أعمل معرفش ايه.

المنتدي مش متوقع يكون عليه حركة كتير، اللي عاوز يتناقش في حاجة يقدر يعمل ده على مدونته

لو الموضوع مشي فعلا و بقي في أسئلة و اجابات مفيدة ممكن نعمل ويكي نجمع فيها النصائح و التعليمات

معلش يا جماعة عشان تبدأ موضوع جديد لازم تسجل، التعليقات مفتوحة للكل لكن كالعادة الغير مسجل لازم تعليقه يمر علينا الأول (لتفادي السخام) أما المسجلة تعليقها هيتنشر على طول.

و أي خدمة

المنتدي : http://www.manalaa.net/forum

Thu, 2006/01/05 - 15:23 — Anonymous (not verified)

نفسي افهم

نفسي افهم الفرق بين المدونة والمنتدي؟

المنتدي اسهل تقنيا للمستخدمين ، صحيح ان فيها رقابة ، لكن وماله؟ لضمان حد ادني من جدية الحوار...

عندنا منتدي مصري علماني في غاية الاحترافية و نطمع ان تزوروه ، واحكموا بانفسكمم ايهم افضل التدوين أم الانتداء؟

وللا عشان ابراهيم عيسي كتب عنكم

he has realy spoiled you guys!

منتديات اوصِ بها للمهتمين

Wed, 2005/11/30 - 14:28 — Anonymous (not verified)

انا لدى رغبة في

انا لدى رغبة في عمل مدونة بس ابغى احد يدلني على الطريقة من الصفر رجاء عنواني الالكتروني art_009@hotmail.com abdulaiziz

Wed, 2005/11/30 - 15:52 — alaa

لازم تختار موفر الخدمة الأول

في أماكن عديدة بتوفر امكانية عمل مدونة، أنا برشح http://blogsome.com أو ممكن تعمل مدونة عندنا على manalaa.net

لو مهتم تعمل مدونة على manalaa.net تقدر تجرب النظام الأول على http://demo.manalaa.net و تقرأ المقال ده اللي بيشرح أساسيات استخدام نظام دروبال

Mon, 2005/11/14 - 03:49 — واحد إفتراضي (not verified)

شكرا

كانت ع طرف لساني

شكرا, علاء

وعفوا على التساؤل الذي قد يبدو كفرا بوّاحا: ألم يكن من الأفضل استخدام منتدى (في بي بي) لتسهيل الحوار هنا؟

أعرف تماما حساسية المدونين تجاه المنتديات, وتعاليهم عليها, لكن "آليا" هي أكثر عملية من الشكل الحالي

Mon, 2005/11/14 - 09:06 — alaa

ده منتدي برضه

ده منتدي برضه زيه زي النيلة بي بي بتاعكم و فيه كل الامكانيات المعتادة بتاعت المنتديات، فين المشكلة؟

قوللي ايه الحاجة اللي ناقصة و أنا أشوف.

Sun, 2005/10/30 - 11:25 — واحد إفتراضي (not verified)

عفوا عالسؤال

بس وين المنتدى بالضبط؟؟

ثيسيوس , بلا خيط

Sun, 2005/10/30 - 12:25 — alaa

اهه

http://www.manalaa.net/forum

Mon, 2005/10/03 - 12:20 — haer (not verified)

أهلا بكم

مررت عليكم صدفة , فأحببت أن أرحب بكم

لدي مدونة بسيطة هناك على الأول الشارع

فهل تقبلوني بينكم

وشكراً

www.4egypt.blogspot.com

Mon, 2005/10/03 - 12:37 — alaa

منور

مدونتك على المجمع من زماااااااان

Sat, 2005/10/01 - 19:36 — ahmed (not verified)

bambi bambi

merci khales, bas feeh so2al..leih mahragan el alwan we khosoosan el background el bambi bambi..ana el 7amdollelah 7ayati saturated bambi bambi fa yareit nekhali manalaa.net zay mahowaa abyad wa baseet...2ella eza tab3an kont 3ayez 3eneina tezaghlel we mano23odsh 3al site kteer 3ashan el server mesh mesta7mal..

Sat, 2005/10/01 - 20:41 — alaa

ماله البمبي

يعني هو الكتابة الرمادي الفاتح على خلفية البيضة مكانتش بتزغلل العين؟

هي دي الألوان اللي بتعبر عننا اليومين دول live with it

أما السيرفر استنا شوية بس عندي خطط جامدة جدا

Wed, 2005/09/28 - 00:37 — ikhnaton2

فكرة حلوة

فكرة حلوة يا علاء. أسمحلى أفتتح المشاكل على المنتدى بأول مشكلة مع استخدام دروبال عند منال و علاء !!!

Sun, 2005/09/25 - 17:36 — gr33ndata

Well done ... good luck ya

Well done ... good luck ya shabab