Manal and Alaa's bit bucket free speech from the bletches

طبعا الشعب البناني كان منتظرك تفهمه الفزورة والحمد لله انك موجود وبتحاول توضح بمنطقك العلاقة السرية بين حزب الله والجيش الاسرائيلي اللي بيمون حزب الله بالصواريخ .وحزب الله بيرد الجميل وبيمون اسرائيل بالمعلومات اللي بتسبب قتل الشيعة اللي موش مع الحزب .قصدي فيه نوعين من الشيعة نوع بتاع نصر الله ونوع موش بتاعه . يعني بالمنطق بتاعك نقدر نقول ان اسرائيل بتشتغل لحساب حزب الله . الحزب فكر انه يخلص من شوية سكان لبنانيين وشيعة ( موش من اللي بتوعه ) في قانا فاتصل باسرائيل وطلب منها انها تقوم بالمهمة . نصر الله قال للخواجة رئيس الجبش الاسرائيلي والنبي وعلشان خاطر موسى ويهوه قوموا بالمهمة علشان انا عاوز احافظ على صورتي الكويسة عند العرب الاغبياء وبعض الخواجات الحمير وبعدين نتفاهم سوا سوا . وعمل لهم اشارة انه حاضرب صاروخ فشنك وللا عشرة واروح جاري يافكيك . تعلموا انتو المكان وتخلصوا على الشيعة اللبنانين اياهم اللي موش بتوعي وحط عليهم علامة فسفورية علشان الطيار يشوفهم واحد واحد وبالتحديد الاطفال لآنهم عمالين يبكوا ويقولوا فين ماما وفين بابا. سألوه بتوع اسرائيل طيب علشان خاطر النبي بتاعكم اضرب على عربية ولا محطة وللا حاجة علشان نفذ الاتفاق وما تنساش ان الصواريخ دي بتاعتنا. احنا كمان عاوزين ناخد تعويض من الامريكان وعلشان السعودية ومصر وليبيا يقولوا جالكم كلامنا يابتوع حزب الله يا عملا موش قلنا لكم اللي عاوز يحارب اسرائيل يستأذت اولا من خادم الحرمين وثانيا من بتاع ضربة الطيران وبلاش شغل عنتريات على الفاضي .. عاوزينه بس على المليان كل مية سنة .. وخلاص اتفقوا حزب الله والجيش الاسرائيلي . وبعدين نصر الله بعت لهم رسالة تيكست وقالهم والنبي كمان تاخدو بالكم من المجهول اللي بينزل في البلوجز بتاع منال وعلاء علشان ده واخد جنب جامد معاكم وحا يبوظ صورتي وبيشتغل بمنطق سليم وحايعلم العرب التفكير بالمنطق السليم وبالتالي حايكرهوني ويحبوكم . الاسرائليين زعلوا خالص وقالوا يارحمن يارحيم للإله بتاعهم ده حا يخلي العرب يحبونا واحنا بصراحة عاوزينهم يكرهونا . طلبوا معلومات محددة عن مكانه علشان يقصفوه او يبعتوا كوندو تتفاهم معاه . حددو مكانه بالدور الثاني في بناية مرسوم عليها صلبان وهلال ونجمة سداسية واعلام الجامعة العربية وبيروح النادي اليوناني كل ليلة وبيقول شوفوا حصل ايه لعنتر ابن زبيدة اللي مبارك اتعرف عليه في ضربة الطيران وخد منه الدرس العظيم والحكمة النهائية وبالطبع عنتر اللي اخدها من مبارك اللي قالوا لو كنت قعدت في حالك وما عملتش شغل العنتريات بتاعتك وما حبتش البنت الهايفة البتاعة دي اللي اسمها عبلة وعرفت مركزك انك مجرد عبد اسود كمان لا رحت ولا جيت ما كانوش جابوك في المقرر وما كنتش انا اخدت صفر بسببك .وراح موجه له صاروخ حرب حبش ورجع الى قواعده صاغ سليم علشان يحكم مصر بالمنطق السليم بتاع المجهول اللي عنده مشاكل لكل الحلول . رءوف مسعد