Home

س: لماذا لم تشارك في مظاهرة الأمس

Mon, 2007/04/16 - 05:45 — alaa

ج: عشان أنا جبان ابن وسخة و خايف على نفسي لدرجة أني بعمل على روحي كل ما أسمع كلمة مظاهرة

و بعدين أنا بايع القضية و متواطئ مع الأمن كمان

و يا ريت محدش يطلب مني أنشر تنويه أو اعلان عن مظاهرة ثاني أبدا ﻷن بصفتي عميل جبان متخاذل لا يصح أني أشارك في التحريض على التجمهر.

لو حد منكم شافني في مظاهرة ثاني يبقى أنا يا أما جاي بالغلط يا أما جاي أقضي مصلحة يا أما أمن الدولة باعتيني أراقب عليكم.

و على فكرة ده مش تغيير مواقف، أنا طول عمري جبان ولا لي في الموضوع أصلا و كنت واخد المسألة سبوبة و خلاص ربنا فتحها علينا الحمد لله و مفيش داعي للبهدلة بقى.

و يلعن كسمين أم اللي يزعلكم

Comments

Comment viewing options

Select your preferred way to display the comments and click "Save settings" to activate your changes.
Wed, 2007/05/02 - 10:43 — الحاج أبو جمال سخصياً (not verified)

مش عايز تحضر مظاهرات ماشى إنما أفراح لأ هاتحضر وغصبن عنك

يا حبيبى إنت جى الفرح وبرضه غصبن عنك الفرح هايتعمل فى ميدان طلعت حرب وهاتيجى ورجلك فوق الكريمه وهاتلبس بدله وهاتحط جيل من أبو تلاتين جنيه وهاتشد الجماعة معاك وهاتزغرطو إيه بقى فيه إيه وإيه الجديد

ما كلنا فى لحظات معينة بنظن إننا ولاد ديرتى وأجبن من الكلب اللولو وممكن نبقى عملاء جبناء متخاذلين ونقعد ع التكعيبة مع وليد وطارق ونخرلهم كل حاجة لو بس قرصوا علينا شوية وشدونا عند سلومه الاقرع

دى لحظة ضعف متناكة وتتكرر مع الزهق والاحباط وضغوط المحيطين بك

وأحسن علاج للإحباط هو الفرفشة

وبعدين لأنك مدمن احتجاج وحلفت ما تنزل مظاهرات فكان الحل الوسط إننا ندعيك لفرح موازى لجمال بيه الفرح هو اللى موازى لفرح جمال بيه مش لجمال بيه بشخصه إيه اللخبطة دى

بص لو ماجيتش قبل المعاد بنص ساعة هاتلاقى قوات الغفر النظامية شداك وحطاك فى توكتوك وواخداك على ميدان طلعت حرب وهاتنقط هاتنقط

Wed, 2007/04/18 - 09:00 — belal

عن نفسي عملت الل يعليا ونشرت القضية

طب نعمل ايه طيب انا بره مصر بس كل المنتديات اللي مشترك فيها عملت فيها موضوع وبرضه بعت لكل الناس اللي عندي علي الميل وربنا يعين الناس رحمتك يا رب يا تخدوه يا تخدنا

واحد بيحب تراب مصر

Tue, 2007/04/17 - 19:37 — نوارة (not verified)

هو حصل حاجة

والنبي عشان انا مش متابعة

هو حصل حاجة جديدة؟ مالك منفعل ليه؟

انا مش عارفة غير ان اخر واحد اتكلم كده كل الناس ردت عليه وخلاص

حد قال حاجة جديدة؟

مظاهرة ايه بتاعة امبارح؟

ههههههههههه لامؤاخذة اصلي مهيسة بقى انت عارف

اه بتاعة الكي بورد؟

طيب ايه؟ يعني فيه ايه؟

ها؟

Tue, 2007/04/17 - 23:10 — alaa

محصلش حاجة

محصلش حاجة بالذات، أنا منفعل من فكرة أننا بنعمل في بعض كده، مش مهم بقى مين عملها في مين، بس الواحد كان عبيط و فاكر أن جيلنا هيعمل أخطاء جديدة مش يكرر نفس دين أم أخطاء اللي فاتوا

Tue, 2007/04/17 - 12:07 — abu Ahmed (not verified)

بما اننا في الأحه سيكشن

يا علاء انت مبضون ليه انا مش فاهم- اللي الناس الهطلة اللي أول حاجة تعملها تقلب على روحها ما تستهلش الرد -يعني الهطل الرسمي انك تعلن من دماغ أهلك عن مظاهرة وبعدين تزعل لما الناس ما تجيش -وده أداء ميت طول عمره - بيدور على خناقة - ياراجل ده واحد بيتنخانق مع الدروبال -يلعن ابو الجنان

-وبعدين ياروح امك انا بعتلك ستين مره علشان تزود دين أم البلوج بتاعى على المجمع اتحايل عليك يعني ولا عشان رحتلي ايطاليا والجزيرة

ارجع للأرض وعيش عيشة أهلك بدل ماشدك

ابو احمد

http://abu-ahmed.blogspot.com/

Tue, 2007/04/17 - 13:50 — العميد ميت (not verified)

أداء ميت طول

أداء ميت طول عمره ماشي ومشيت عليك حيطه كمان :P علي العموم انا عارف إن علاء كان مرتبط بمواعيد شغل ، وماكنشي هيقدر ينزل مسأله الدروبال ، دي مسأله مبدأ ، وبعدين انا عايز أفهم ، لو الدروبال عاجبك قوي كده ما تشغله بدل ما إنت واخد من عند بلوج بوست

Tue, 2007/04/17 - 14:30 — alaa

على فكرة بقى

على فكرة بقى أنا كنت في النادي بلعب في المراجيح

Tue, 2007/04/17 - 18:00 — العميد ميت (not verified)

كذب وتزويرأنا

كذب وتزوير أنا مسجل لك وإنته بتقول لي إنك عندك شغل وكمان فيه تسجيلات فيديو من جوه الشغل تدل علي إنك كنت ساعتها في الشغل بطل الخصله دي ياعلاء بقي ملحوظه انا بهزر ، ومافيش تسجيلات ولا حاجه :@

Tue, 2007/04/17 - 12:40 — alaa

لو سمحت بلاش

لو سمحت بلاش بذائات

أنا محتاس تماما في موضوع المجمع و مش عارف أعمل ايه، عدد المدونات هيبقى أكبر من عدد الزوار

Wed, 2007/04/18 - 13:12 — abu Ahmed (not verified)

ما نقدرش نسمح لزوار المجمع بالاضافة مباشرة

خلينا نكبر المدونات وبعدين نركز في زيادة الزوار

وما تزعلش يا عم باهزر معاك سلام يا زميلي

Tue, 2007/04/17 - 06:12 — MR.ASFOUR

mr.asfour

اهلا يا علاء هذه اول مشاركه لي في مدونتكم وياريت تقبلني صديق انا معجب بك انت ومنال وافكاركم الجريئة انا عندي مدونه صغيره علي جيران وعايز انقلها عندكم انا مش عارف ارجوا المساعده asfourman2010.jeeran.com asfour20052010@hotmail.com برجاء الرد عليا في الميل وارشادي لما علا فعه في المستقبل بالنسبه للمدونه الخاصه بي شكراواسف علي الازعاج

Mon, 2007/04/16 - 20:13 — أحمد عبد الفتاح (not verified)

باين يا علاء انت فقدت روح الدعابة

ايه يا عم علاء واضح والله انك فقدت روح الدعابة ايه التهمه القديمة قوي والحمضانه قوي ده ؟ ده يا راجل من مخلفات الحرب البارده خليك في التهم الجديده الفريش يعني ذي انك اخونجي بس مداري ذي انك عميل للهيومان ريتس وتش في مصر او للعفو الدولية مش تقولي امن دولة وكلام اهبل ويارب ميكنش الكلام ده سببه الي في بالي

Mon, 2007/04/16 - 18:09 — العميد ميت (not verified)

إيه ده

إيه ده ياعلاء ياعم إنته لما إتصلت بيك وقلت لك علي موضوع المظاهره إنته قلت لي مش هقدر أجي عشان عندي شغل ، وقلت لي إنه لو بليل هقدر أجي تقوم ترجع في كلامك وتقول إنك كنت قاعد مع طارق صابر علي العموم ، انا كلامي ماكنشي عليك في البوست عندي أنا بتكلم مجموعه 30 فبراير ماشاركتشي ليه " وماتقوليش مافيش حاجه إسمها 30 فبراير " عشان انا بتخنق ساعتها

بص ياعلاء يسقط الإخوان .. تسقط تلاتين فراير .. تسقط كفايه ..يسقط علاء سيف .. يسقط عبد المنعم محمود .. يسقط محمد عادل ... يسقط يسقط حسني مبارك

Mon, 2007/04/16 - 13:13 — asad

آه منك يا عميل

آه منك يا عميل يا خلبوص

بقى طول اليوم عمال تكلمني عشان تعرف هنخلص إمتى وهتلحق تيجي ولا لأ بعد ما تخلص الاجتماع بتاعك, وفي الآخر تطلع أمن دولة ؟! تلاقيك كنت مجتمع مع وليد الدسوقي , الواحد مفروض ميآمنش للكفرة تاني.

فعلا الدار مبقتش أمان يا رجالة .

Mon, 2007/04/16 - 13:57 — alaa

كنت مجتمع مع

كنت مجتمع مع طارق صابر مش مع وليد الدسوقي :-)

Mon, 2007/04/16 - 17:21 — reformer1976

طارج مين طارج

طارج مين طارج دِه؟

هم مش لغوا قانون الطوارج؟؟؟

Mon, 2007/04/16 - 10:09 — nael (not verified)

يابني بترد عليه

نفسي اعرف انت بترد ليه على اي حد بيقول كده يابني ماتردش

Mon, 2007/04/16 - 08:56 — GEMYHOoOD

كلام قديم

طب ما دة كلام بيتقال كتير للكل و اكيد اتقال ليك قبل كدة ... ايه اللى جد ؟

و بعدين جرجس فكرنى بتقريبا احلى كلمة قلتها فى حياتك لما كسفت الراجل بموضوع جيلهم و جيلنا

و كدة كدة انت عامل دور الكترونى .. احسن ما تنزل شارع على الاقل وفرت وقت

صباحك زى وشك يا مصر

http://gemyhood.com

Mon, 2007/04/16 - 07:13 — محمود سعيد (not verified)

كل ده وانا معرفش

كل ده وأنا معرفش :-)

كلام بجد إنت ليه بتزعل نفسك من كلام الوحشين مبتعرفش تطنش مع أن كان فى ناس (اللى هو أنا معاهم ) بنجيب فى سيرتك بكل خير والله وبنقول أنك من أكثر الناس فى مصر اللى عندها موهبة إجتماعية

نصيحة بقى : إتعلم التطنيش

Mon, 2007/04/16 - 07:27 — alaa

ما هو لو كنت

ما هو لو كنت طنشت لما واحد صاحبنا عمل زيهم كنت خسرت صداقة افتراضية بعتز بيها :-)

و بعدين كفاية علي بتعلم أطنش سعادة الفاضي عبد الفتاح مراد سيبني أفش غلي شوية.

Mon, 2007/04/16 - 07:32 — محمود سعيد (not verified)

:-D

:-D

Mon, 2007/04/16 - 06:48 — reformer1976

فاكر كلامك يوم ندوة التعذيب؟

للأسف يا علاء الناس ما بتسمعش ولو سمعت ما بتفهمش ولا فهمت بتتغابى وتعند وتعمل عبيطة

أنا فاكر يوم ندوة التعذيب في المساعدة القانونية إنك قلت إنك تتمنى إن جيلنا ما يقعش في نفس السقطة بتاعة جيل السبعينات ونتعلم من خطأهم وبلاش مزايدات على بعض وبلاش اتهامات العمالة وبلاش لو حد ركن على جنب - لأي سبب - إنه يبقى باع القضية وإنه جبان أو إنه عميل... ساعتها يا عم الحاج إنت قلتها وكأنك بتتنبأ لأن بعدها بأيام جات أحداث الاعتصام المنيل بتاع التحرير اللي العيال اتسحلوا فيه واتخطف مجموعة كبيرة مننا وتاني يوم بدأت المزايدات حتى تم المزايدة على كل من لم يحضر بل وتمادت المزايدات ليتم المزايدة حتى على من لم يحظ بشرف الضرب والاختطاف... وها هي موجة جديدة من المزايدات تهل في مولد الحرية لمنعم ... طبعا كلنا موقفنا من منعم معروف وواضح ومش محتاج مزايدة من حد... المشكلة فعلا إن إفشال المظاهرة بتاعة منعم وبشهادة المدونين الإخوان كان سببه الحقيقي مساعي من تحت لتحت على مستوى الجماعة والتنظيم هي التي بادرت بسحق المظاهرة وإجهاضها في مهدها... يعني الموضوع بسيط جدا... الجماعة كان ليها حساباتها ومصالحها وغلبتها على مصلحة منعم زي ما غلبتها على مصلحة الشاطر والآلاف من رجالها في المعتقلات ... وزي ما انت قلت قلت كدة هو منعم كان بيناضل ويدفع التمن من أجل المشاركة ولا المغالبة؟ يعني بالعربي من أجل موقف حقيقي لكتلة سياسية ربما كانت هي الأقوى في الشارع السياسي أم لمجرد (الأداء المشرف) واللعب بالبيضة والحجر

إلا بالمناسبة بما إنك واخد المضوع سبوبة وخلاص ربنا فتحها عليك والحمد لله... مش عايزين متطوعين عندكوا؟؟؟

Mon, 2007/04/16 - 07:24 — alaa

أنا محضرتش و

أنا محضرتش و مشفتش بس شايفها واسعة قوي مسألة أن الجماعة عملت معرفش ايه ده

الأخوان كيان كبير و محتاجين وقت عشان أصلا ياخدوا قرار، الاعتصام اترتب قبل ميعاده بنصف يوم يا جدعان، ممكن تقوللي ايه المظاهرة اللي أعلن عنها أقل من يوم و نجحت؟

ده حضور فوق العشرين يعتبر نجاح باهر بالنسبة للي اتعمل.

و بعدين من حق الجماعة تختار تتحرك ازاي، أنا بلوم عليهم لما يصرحوا أنهم مش هيتحركوا خالص (سوف نحتسبها عند الله) كأنهم بيرسلوا رسالة عشان الحكومة تطمئن، لكن مينفعش ألوم عليهم عدم المشاركة في الشيئ الفلاني.

Mon, 2007/04/16 - 07:42 — reformer1976

متفق معاك... بس

متفق معاك... بس بجد هي الجماعة عايزة إيه ولا مستنية إيه عشان تتحرك؟؟ قيادات واتلموا شباب واتسجنوا فلوس واتصادرت ولسة برضه مواقفهم هزيلة جدا من الحريات عموما ومن حرية أفرادهما على وجه التحديد

Mon, 2007/04/16 - 06:41 — AMS

بجد مش فاهمك

بجد مش فاهمك المره دى ياعلاء

دا سخريه وتقريع كالعاده ولا ....

ولو مكانش ممكن توضح ايه اللى حصل ؟ عشان نبقى على نور معاك برده

!!!!!

Mon, 2007/04/16 - 07:25 — alaa

يا عم أنت راجل

يا عم أنت راجل بريئ مليكش في الحوارات الحمضانة دي، طنش خاااالص

Mon, 2007/04/16 - 07:43 — reformer1976

تعيش البراءة

تعيش البراءة ويسقط الكلام الحمضان

:D

Wed, 2007/04/18 - 16:15 — ouon (not verified)

روق يا زعيم

روق يا زعيم !! انت عملت اللي عليك بجد وفكك من الناس الهاطلة

Comment viewing options

Select your preferred way to display the comments and click "Save settings" to activate your changes.

tags for س: لماذا لم تشارك في مظاهرة الأمس

blog posts