Home › Us › image galleries › protests › black wednesday

ابن الوسخة حرامى الكاميرا

Fri, 2005/07/01 - 18:15 — alaa

اللواء الحيوان اللى أشرف على ضربي أنا ووالدتي و على سرقتي و أدا أوامر بسرقة الكاميرا و سلملي على النائب العام

ابن الوسخة حرامى الكاميرا

Comments

Comment viewing options

Select your preferred way to display the comments and click "Save settings" to activate your changes.
Thu, 2006/11/23 - 21:31 — عزة مطر@manalaa.net

كيس شطة لكل مواطن

كل مواطن مصري معرض للتحرش. و يجب علي كل مواطن متحرش به إن شاء الله بكره بعد الصلاة أو بعده أو في أي مناسبة قومية أو كروية أو مربعة أو مفرطحة، أن يملا بالصلاة ع النبي كيس شطة سوداني و يحطه في جيبه. لو أمين شرطة وإنت سواق تاكس أو مكروباظ، يديك تحرش إديله شطة في عين أمه لو انتي يا اختي راكبة محشورة في أي مواصلة عامة افتحي كيس الشطة في وش أى دكر رذل نسي نفسه وحب يسخن عليكي ، الشطة هتخليه يولع والقانون لا يعاقب على حيازة أو بيع الشطة ، يعني كله رسمي و قانوني و محدش دايس ع الخط الأبيض.

Thu, 2006/11/23 - 20:31 — عزة مطر@manalaa.net

هم يا هم

مصر جاعت مصر ضاعت و مع ذلك فيه ناس لسه عايزة تاكلها هم هم . أما الهم الأكبر فهو : ، إن مصرنا بلد مبتلى بأهله و حاكميه،وبالنظر إلى كيان الحكم نراه كياناً قد تهرأت مكوناته و تحللت مؤسساته ، فضلاً عن فقدانه الشرعية و القبول الشعبي منذ سنوات . وكلما وهنت أجهزة الحكم وزاد ارتخاء قبضتها ، زاد جهاز الأمن قوة واستعداداً واستعلاءً و للشعب المصري عداءً. فصار البلد ثوباً مهلهلاُ يرتديه فارس من حديد، كلما استدار يمنة أو يسرة أو قام أو قعد ازداد الثوب تخلقاً وعلا صوت تمزق النسيج. نقرأ في كتب التاريخ عن عصور الفوضى و ضعف الحكم وازدياد أعمال السلب و النهب و تفشي الأوبئة وضياع الحقوق ، أليس هذا ما نحن فيه ؟ و تسيطر على كياني فكرة حتمية وجود رجال أولي عزمٍ لتولي شئون الحكم، حيث أن النظام الحالي أسس بنيانه على جرف هار يوشك أن ينهار بالمصريين جميعاً. و النظام الحاكم بفنقد إلى النظام و التخطيط في كافة الشئون، إلا أنه و بكفاءة يشهد له بها نجح في تنفيذ خطة دؤوبة لوأد المواهب واجتثاث الرءوس المفكرة وإهالة تراب الروتين على الأفكارالنيرة و الحلول الناجعة. وإنني- بصفتي خلية في الجسد السقيم- أدعو إلى تكوين لجان مستقلة يثق فيها أصحاب البلد ليتقدموا إليها لكتابة وتوقيع تفويضات لرجال مصلحون قادرون على جر القاطرة المعطوبة و انتشال السفينة الغارقة. وهناك شخصيات عامة لها قبول فلنبدأ بها وسوف يتوالى ظهور رجال قلوبهم على قلب رجل واحد و إن اختلفت مشاربهم و مذاهبهم. عزة طاهر مطر

Tue, 2006/07/04 - 17:57 — شوشيت المقهور (not verified)

أنـــا عـندى مداخــله لكل الناس

أيه ده هي حصلت كمان ضرب أم في الشارع عارف يا علاء أنا متابع أحداث الشارع المصري من أيام أزمة زيادة سعر السكر وبعض المواد التموينيه .. والدنيا قامت وقعدت والدنيا أتقلبت وكنت وقتها عيل نونو والمظاهرات كانت شديده جدا تصور كل ده عشان السكر غلي شويه وبعدين كبرت وكل حاجه غليت أأأأوي بـــــــس ألانسان رخص كتير والدليل على كده الكلمه الي أستوقفتني أنهم ضربوا والدتك وده خلاني أفتكر أمى أد كده ألامور توصل أن أأأأم تنضرب في الشارع وبنات ينتهك عرضها وسحل وتعذيب وتفتيش وأعتقال أزاي راجل يجيله قلب يضرب أأم مش فاهم وينتهك عرض بنت شريفه حاجه تكسف بجد أنا متابع من زمان بس مليش في السياسه أو تقدر تقوول جبان أو عاجز مش عازعل لكن أنا مستاء من موضوع سحق البنات والسيدات كأنهم جواسيس في نفس الوقت الي بنات شارع الهرم ( المومس ولا مؤخذه ) محدش بيقربلهم وعايشين براحتهم على أساس أن ده مصدر للعمله الصعبه هههههههه صراحه هــم يبكي وهم يضحك .. أنا أأأأسف يا علاء على الى حصل لوالدتك وعارف انك أتحملت كتير رغم أنك بتحاول تكون متماسك وتبدو قوي ودي بقا شجاعه بحسدك عليها مش عارف مصدرها أيه ده أنا عشان قاعد من غير شغل من سنه ومش لاقي وسطه في البلد دي تساعدني فكرت في ألأنتحار أكتر من مره وده مجرد تفكير طبعا من الزهق وقلة الحيله أنا عندي 38 سنه يعني اكبر منك بس الموضوع مش بالسن ألمهم ألافعال وطريقة التفكير أنا طولت عليك بس فرصه أتكلم بعد سكوووووت طويل ومن نفسي أعبر ولو مره نفسي حد يسمعني بدل مابكلم نفسي لان انا عايش متقوقع مع نفسي من سنين عارف أني أكبر فاشل في البلد بس أنا برضه أنسان يعني بافكر زيكم بس متكتف من سنين يمكن عشان كنت في صراع عشان أعمل بيت وأسره وأغير من واقع حياتي خاصة أني من أسره كانت عايشه تحت خط الفقر وكمان من غير أب يساندها ويدعمها والام هي الي بتحارب عشان نعيش مش عارف بس أنا حياتي مأسويه شويه وبعد ماودعت الفقر عملت مشروع رجعني للفقر مره تانيه وأديني متنيل على عيــنى أصل أنا ضحية تعليم مجاني وأفكار هزيله عن ضرورة الشهاده العليا عشان أتخرج وأبقا من أنصاف المتعلمين وأقرا شوية كتب عن السياسه وألادب وأفكار وتوجهات من اليمين واليسار وأفضل ٌ قاعد فوق رف الكتب بدور على كتاب جديد وفكره جديده ده أدب روسي وده أنجليزي وده عن البلاشفه وده عن الثوره الفرنسيه وده عن ماركس وبالمره نشوف الواد لينين بيقول أيه أشتراكيه ولا رأسمايه أبقا من الاصوليين ولا اليبراليين ولا علماني أحسن .. أهلى ولا زمالك والدنيا بتجري وأقع من على رفوف الكتب وأنا برضه جاهل وعبيط مش فاهم حاجه مش بقولك تعليم مجانى طبعا أنتوا زهقتوا منى وبتقولوا أيه القرف ده .معلش أصل لما يحكموا على ابراهيم عيسي بالسجن ويحاكموا وائل الابراشي ويطردوا واحد زي هيكل من التلفزيون المصري وكمان حمدي قنديل الي بحبهم جدا وبقدرهم ويسيبوا ناس بتسرق وتلهف يبقا أيه العمل غير أني أتجنن وأبقا حاسس بغربه شديده في بلدي ... أنا عايز حد بجد يديني زقه أو يلف الزمبلك بتاعي يمكن أرجع ألاقى نفسي تاني وأتحول لأنسان مفيد أسيبكوا وياريت حد يرد عليا ولو بشتيمه عشان أقدر أحس بوجودي ( أنا بشتم أذن أنا موجوووود ) وسلام للجميع وخاصة الشرقاوي وعلاء ومنال وكل الاخوه الحلوين أخوكم الفاشل بدرجة أمتياز

Sun, 2006/09/17 - 23:51 — واحد من الناس (not verified)

واحد من الناس

بسم الله الرحمن الرحيم السلام على من إتبع الهدى ....................................! ما فى كلام يقال بعد الذي قيل . غــيـــر حـسـبي الـلـه ونـعـم الـوكـيـل .

Sat, 2006/08/19 - 21:59 — ايناس (not verified)

انا عندي اعتراض

يا استاذ مقهور عندي بعض الاعتراضات على ما كتبت بداية من الاسم فلماذا تقول على نفسك هكذا لا يوجد انسان مقهور الا ان اراد هو كذلك لان من يحافظ على كرامته ويثور لها لا يمكن أن يكون مقهورا أبدا وكل منا بداخله فكره وطاقه يريد ان يخرجها ويسمعها للناس وسيأتي يوم تخرج فيه وتحقق ما ارادت مهما طالت المده ومادام في الانسان عرق ينبض فهناك أمل لكن على كل منا أن تكون عنده اراده واصرار والاهم من ذلك صبر طويل حتى نقاوم الصدمات ونعود اقوى من السابق وتذكر دائما (ان الله لا يغير من قوم حتى يغيرو ما بأنفسهم ) فغير أولا نفسك من الداخل حتى تري التغيير في الخارج وتحس به

وتحياتي لك

Comment viewing options

Select your preferred way to display the comments and click "Save settings" to activate your changes.