FooManaLaab: mission Africa

Thu, 2006/01/05 - 07:15 — alaa

Agents: Manal, Alaa and Mohammed Sameer
Destination: Victoria Lake, Uganda
Objective: piss in the sources of the nile YAAAAAAAY

ايه رأيكم في الصورة اللي فوق دي؟ عسل مش كده حد يتخيل أننا كنا في حفلة لرشيد طه في اللحظة دي؟

بكرة أنا و منال و محمد سمير هنسافر أوغندا لحضور Africa Source II و مش هنرجع غير بعد تلات أسابيع.

هنشوف بحيرة فيكتوريا و منابع النيل (مش هنشوف و بس، محدش يشرب من الحنفية اليومين الجايين دول، لقد أعذر من أنذر).

سافرت أفريقيا اللي بجد مرتين السنة اللي فاتت، مرة كيب تاون بجنوب أفريقيا و مرة أكرا و كيب كوست بغانا تجربة مختلفة جدا من أسعد الحاجات اللي عملتها و المرة دي هتكون أطول زيارة، صعب قوى لما تزور البلاد دي تفضل تبص لأفريقيا على أنها القارة المفجوعة المطحونة، معرفش ازاي رجعت من الرحلتين حاسس بتفائل و سعادة شديدة.

كنت ناوي أحكيلكم حواديت من الرحلتين قبل ما أسافر لكن محاولات الأمن المصري لقتل أفريقيا اللي جوه مصر بوظت الموضوع و مسابتليش فرصة، لأول مرة هسافر و أنا حاسس أني من البيض.

photos

Comments

Thu, 2006/03/09 - 00:26 — Essam Shakir (not verified)

معذرة مصر برضه هتفضل بخير

الجزء التانى من اللى كنت بقوله .. هقولك حكمتين قالها الحكماء برضه .. هناك كوب من الماء مملوءا حتى نصفه ..

بعض الناس يروا أن الكوب مملوءا حتى نصفه

والبعض الآخر يرى أن الكوب نصفه فارغ! .. فأنت ترى النصف الفارغ سيدي .. ! حاول أن ترى النصف المملوء بدلا من التشائم الذى تعيش فيه..! استاذ عزبى .. جاء الوقت لأرد عليك .. فى شقين ! أول شق .. الدى اس ال الرخيص والانترنت المجانى ده مش واجب عليهم .. كده كده من زمان كنا بنشترك عشان ندخل ..! بالنسبة انا مش نفسى انى امشى محدش يقولى انت رايح فين .. بالعكس .. انا كده فرحان انى امشى فى الشارع بأمان .. ومش خايف من حاجه لأنى صح .. الحمد لله رب العالمين .. .. اصلح نفسك عشان تعرف تصلح .. إبدأ بنفسك .. كله يبدأ بنفسه .. بالنسبة للتصميم لم يكن هو التصميم النهائي .. بلى التصميم النهائي موجود الآن أما الشق الثانى فأنت ومنال وعلاء ومثلكم بلا فخر ممن يطبق عليكم المقوله " لا تعطى الحكمة للجهلاء ، حتى لا تظلموا الحكمة " لو الحكومة غلطت بقى يبقى غلطت عشان اديتكوا الحكمة :) ظلمتوها بأمانه :) عصام شاكر مجلة ايجي كونسبت EgyConcept.com E-Magazine

Sat, 2006/02/11 - 12:10 — No3man (not verified)

Bad words

متهيألي أحسن إنك تكون ديكتاتور يا عم "لول" ولا تسمح بنشر الشتيمة بتاعة الشباب المريض ده

Mon, 2006/01/30 - 21:35 — Anonymous (not verified)

ولاد $$%@%#

دنتوا عالم ولاد وسخة بجد يعني

رايحيين تعملوا هناك ايه بس

يعني احنا قرفانين في مصر وانتم مالين تسافروا وتهيصوا

ده ايه التعريص ده

خليتو لسان ي يريل

Wed, 2006/01/18 - 12:55 — D-N-A (not verified)

:) ...... nice

nice trip .. insh2allah

to all of you ... allaaa : `7ali msameer b3eed 3an el banat btoo3 o`3anda

Sun, 2006/01/15 - 06:37 — Essam Shakir (not verified)

مصر هتفضل بخير

لو سمحتوا كلكوا اسمعونى .. لو انتوا شايفين ان فى خلل فى مصر .. لازم تبصوا على الخلل ده جاى منين ! بغض النظر عن إن كانت هناك مساوئ .. فا فى برضه حسنات كتيره أوى .. احنا عايشين فى عصر كويس .. عصر متاح فيه حجات كتير أوى .. يا اساتذه لولا الدوله مكنتش انت دلوقتى عارف تعمل كده وأولها الانترنت المجانى .. والدى اس ال .. اللى بأسعار رخيصه أوى .. والحكومه اللى مش عاجباك .. جايه من الشعب .. كلهم مصريين زينا .. يعنى لو فى خلل هيبدأ الخلل مننا احنا .. من الشعب عشان تصلح عيوب الناس إبدأ بنفسك الأول ! إبتدينا نبص لبره .. عيشة الغرب .. و عايزين نبقى زيهم .. كله عايز بنت يخرج معاها .. عربيه زيرو .. كله عايز يعيش حياته من غير مايبذل مجهود كله عايز الحل من غير أفعال ! روح يا غالى إشتغلك شغلانه كويسه .. إشقى واتعب انشالله بره مصر ..! ولما يجيلك فلوس كويسه ارجع اعمل مشروع قومى شغل فيه الشباب هتكسب برضه وتحل مشاكل بلدك ! لو كل واحد زيك فكر باللى بقولك عليه هتبتدى تعمل حاجه كويسه بدل مانت بتبوظ سمعة مصر أم الدنيا ! بدل ماتسافرلى أوغندا و مش عارف فين جوشلك قرشين اعملك منهم مشروع يشغل كام مصرى بدل ماتقولوا مفيش شغل و مفيش فلوس ! إبدأ بنفسك يابنى وربنا كبير :) الدنيا ياما هتعلمك ! وشكرا عصام شاكر 21 سنه محرر فى مجلة EgyConcept.com

Mon, 2006/01/30 - 21:21 — El Meligy (not verified)

Wrong you are a jerk if

Wrong you are a jerk

if you have business ALaa will take it from you

Tue, 2006/01/17 - 22:54 — ezabi@eglug.org

ده الواجب سعادتك

جميل قوي الكلام اللي بتقوله ده يا أستاذ عصام

بس الحاجات اللي انت بتقول عليها دي (الانترنت المجاني والدي اس ال الرخيص) وحاجات تانيه كتير ده واجب الناس اللي بتعملها، و بياخدوا عليه اجرهم وزياده (الاستثمارات اللي المفروض تفيد الشعب الغلبان).

ماحدش قال بنبص للغرب وعايزين نخرج مع بنات ولا عربية زيرو...

بس انت برضه مش نفسك تبقى ماشي في بلدك ماحدش يقولك رايح فين ولا جاي منين، ماحدش يفرض عليك حاجة مش اختيارك اصلا، مش نفسك مجهودك مايتسرقش عشان يربي كروش، مش نفسك ولادك يتعلموا بجد مش يتلقنوا كلام فارغ، مش نفسك تلاقي خدمات كويسة نظير الضرايب اللي بتدفعها من قوت عيالك، مش نفسك تاخد حقك عشان انت مواطن مش فلان أو ابن فلان، مش نفسك..مش نفسك..مش نفسك...؟؟؟

وبالمناسبة الموقع بتاعك حلو جدا طبقا لأحدث معايير تصميم المواقع الغربية...من خمس سنين

Thu, 2006/01/12 - 23:48 — Anonymous (not verified)

ترجعوا جميعا

ترجعوا جميعا بالسلامة

Wed, 2006/01/11 - 11:03 — Anonymous (not verified)

انت بتنزل

انت بتنزل التعليقات اللى تعجب كس امك بس .. اما انت واد خول صحيح .. لو ديموقراطى بحق وحقيقى تنزل كل التعليقات يامتناك

Thu, 2006/01/12 - 23:47 — Anonymous (not verified)

و لو اني موش في

و لو اني موش في مكان الرد بالنيابة عن منال و علاء لكن ما اعرفه انهم ينشرون جميع التعليقات و احيانا المستفزة جدا حتى فقط يعرفون امثالك انهم لا يملكون سوى الشتيمة و اعتقد انهم نشروا من قبل انهم لا يحجبون الا الردود التي لا تحمل اي فكرة سوى الشتيمة - لكن حتى الردود التي بها فكرة او شبه فكرة و مليئة بالشتائم فانهم ينشرونها دون تدخل منهم انا مدين لهذا الموقع الذي يعلي من قيمة حرية الاختلاف بالكثير يكفي انهم نشروا اعلانات التضامن مع امهات المعتقلين - و معظمهم من الاسلاميين - و مع المدون ابو اسلام - و هو ايضا اسلامي طبعا بالاضافة لفعاليات كثيرة في الحياة السياسية بمصر

Tue, 2006/01/10 - 04:53 — admelmasry (not verified)

admelmasry

علي فكرة انا بقي مش هيهمن وهشرب م الحنفيه بذات التلات ايام اللي جايين انا حاسس ان طعمها هيبقي احلي

اصل احنا هنا في مصر واخدين علي الميه كده

ياعني لو جاتلنا نضيفه .. نقول ياع وما نشربهاش

ونأجرلنا كام واحد يعملوا زي ما انتوا هتعملوا هناك بالظبط

Mon, 2006/01/09 - 17:51 — alaa

mission accomplished

MISSION ACCOMPLISHED 20060109

Sun, 2006/01/08 - 01:21 — ادهم (not verified)

رجاء خاص

ليا رجاء خاص عندك يا علاء يا ريت ما تحاوليش تسؤ سمعة مصر بالخارج لانها يا عم الاسطي مش ناقصة حاول توضحلهم ان احن بخير وسلام ونعيش عصر من الديمقراطية الليبرالية الحرية الشعبية المهلبية في ظل قيادة حكيمة وفكر جديد لسة طالع من الكرتونة

هتوحشني يا اسطي علاء

هتوحشيني يا خالتي منال

Sat, 2006/01/07 - 22:36 — بتاع البليله (not verified)

هتوحشنا يا حضرة الدكتاتور

هتوحشنا يا حضرة الديكتاتور لكن تعازينا بقي ان احنا هنشرب بستك بس تبقي تبس كتير عايزين البس تبقي مركزه اوي انا فخور و الله فخور دا حدث تاريخي يا معالي الديكتاتور انا هعبي قزيايز عشان احفادي و احفاد احفادي و هنا ادركته الخشيه فبكي اهئ اهئ اهئ هتسيبنا لمين و انت الحمي و الضهر يا دكتاتورنااااااا

Fri, 2006/01/06 - 00:34 — ezabi@eglug.org

وعلى صعيد آخر!!!

وعلى صعيد آخر صرح مصدر أمني أوغندي انه ناوي يزنق اللاجئين المصريين المدعوين فومنعلاب في جنينة في وسط العاصمة الأوغندية ويرشهم بالمية عشان بيرموا عليهم زجاجات الستلا وبيعملوها في الشارع وكمان كانوا بيحاولوا يمصروا الشعب الأوغندي المؤمن، بس ده عشم ابليس في أوغندا.

Thu, 2006/01/05 - 17:40 — theSamo (not verified)

Good luck.

mawdoo3 el beed dah ma7adesh ye2dar yesa3dak feeh. :p

jk.

have a nice time. and dont forget your objective. :)

Thu, 2006/01/05 - 09:47 — hadouta

مصر أمانة في

مصر أمانة في رقبتك يا رأفت ويا شريفة ويا محسن بيه :P

مش هاوصيكم على الصور بقى :)

Fri, 2006/09/01 - 13:07 — سوفت (not verified)

؟؟؟؟؟؟؟؟؟؟؟

كفايه شتيمه هو فى كل موضوع الكل بيشتم

Manal and Alaa's bit bucket free speech from the bletches

Random image

tags used in blog posts

User login

Live discussions

Recent comments

Syndicate