Manal and Alaa's bit bucket free speech from the bletches

انا كنت عاوزة اروح الاعتصام بعد ما خلصت شغل رحت الميدان متاخر بعد معاد الاعتصام بساعة لقيت الدنيا متقفلة قعدت ابص عشان اشوف التجمع فين ملقيتش اى زحمة قلت احاول اعدى من الامن عن طريق انفاق المترو معرفتش اتصلت بموبايل جيمى عشان اعرف انتو فين فى حد تانى رد عليا اسمه احمد عامر لو كنت سمعت صح قاللى ان جيمى ومالك ودروبى واسد وسيزر اتاخدوا ومعاهم 20 واحد تانيين اتصلت بيه بعدها اعرف الاخبار قاللى ان هو محبوس فى حزب الغد مع ناس تانيين كتير وان اى حد بيخرج بيتاخد على طول انا دلوقت مش عارفة اى حاجة جديدة يا ريت لو فيه اى تحرك وحد عرف يقول عشان اعرف اتحرك ولو حد عرف الولاد اللى اتاخدوا فين او عملوا معاهم ايه يقول احنا قاعدين على اعصابنا ومش عارفين نتصرف حاسسين اننا متحاصرين زى اللى جوة بالظبط بس هو الحظ اللى خلانا نتاخر ونبقى برة \يا ريت حد يطمنى بجد