Manal and Alaa's bit bucket free speech from the bletches

يا عم علاء

أنا عارف أنه أخد حكم أربع سنين

هو أنا إيه دخلنى المدونة بتاعتك أنا نسيت ؟

أيوه افتكرت انا شفت الحكم و دورت على اسم الواد فى جوجل و لقيت المقالة دى

العزلة فى رأيى مهمة

هأضرب لك مثل بيك

أنت امتى كانت اخر مرة قعدت فيها مع نفسك و قفلت الموبايل و قعدت تفكر و تسأل نفسك : هو أنا عايش ليه ؟ هو أنا مين اللى خلقنى ؟ طيب خلقنى ليه ؟ طيب أنا رايح فين بعد ما أموت ؟ هو صحيح فى جنة و نار ؟ طيب اللى أنا باعمله ده هيودينى على الجنة ؟ هو اللى باعمله ده يرضى ربنا ؟ هو انا باكتب فى المكدونة علشان أشوف ردود الناس و انبسط لما ألاقيهم راضيين عنى ؟ طيب هو أنا قبل ما أكتب بأفكر ربنا هو كمان هيرضى عنى ؟

رد عليا بصراحة كده أمتى أخر مرة أنت و ألا أنا عملنا كده

أظن لو كل واحد قعد مع نفسه كده و كانت فطرته سليمة اكيد هتفرق معاه

بس المشكلة أننا مشغولين جدا و بنقعد مع كل الناس و لكن ما عندناش وقت نقعد مع نفسنا

و الأمثلة عندى كتير عرب و أجانب و أخرهم صدام ربنا يرزقنا ننطق الشهادة قبل الموت زى ما نطقها

و لى طلب لو تسمح بلا تكتب رد و تنتظر أجابتى (حضرتك طبعا ضع الرد الذى تريده و لكن تعليق فقط ) لأنى بصراحة مش ناوى ادخل مدونتك تانى لأنى لقيت فيها كلام فاحش ما أظنش أنه هيكون فى ميزان حسناتى يوم القيامة خصوصا لو دخلت تانى و أنا عارف أنى ممكن أقرا كلام زى ده

أوعى تفتكر أنى بأعمل فيها شيخ لا و الله أنا بس بأدور على مصلحتى محدش هينفع حد يوم القيامة

لو تبرأت و قلت علاء هو اللى كاتب هترد عليا أنت ساعتها و تقول لى هو أنا غصبتك تدخل و هيكون معاك حق

إِذْ تَبَرَّأَ الَّذِينَ اتُّبِعُواْ مِنَ الَّذِينَ اتَّبَعُواْ وَرَأَوُاْ الْعَذَابَ وَتَقَطَّعَتْ بِهِمُ الأَسْبَابُ * وَقَالَ الَّذِينَ اتَّبَعُواْ لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّؤُواْ مِنَّا كَذَلِكَ يُرِيهِمُ اللّهُ أَعْمَالَهُمْ حَسَرَاتٍ عَلَيْهِمْ