Manal and Alaa's bit bucket free speech from the bletches

أولاً: أنا عارفة ان ردى ده متأخر قوى كمان أنا ماكملنش قراءة الردود بس متأكدة انك أخدت شتيمة للركب من الناس اللى ردت..

ثانياً: متأكدة ان واحد Psycho زيك مايستاهلش يترد عليه أساساً

لكن مع ذلك هارد علشان الكائنات اللى من نوعك(لايمكن يطلق عليهم لفظ رجالة)وبيعملوا زيك مايفتكروش ان الشعور الطبيعي لأي أنثى يتحرش بيها هو السعادة والرضى!! بمعنى آخر ماحدش يصدق الهبل اللى كتبوا الكائن ده يا جماعة، واللى واضح من اعترافه بأنه شخصياً من المتحرشين أنه مريض آخر وخاف على نفسه من فكرة علاء الجبارة في عقاب المتحرشين وقال يرد رد قوي علشان مفيش واحدة تفكر تعمل كده(ده حتى أساساً ماأخدش باله ان دي فكرة راجل (مش زيه)ن وأنا باقولك ياعلاء ان ده أقوى اثبات ان فكرتك فعالة وفعلا هتنفع مع المرضى دول وفيه أمل كبير ييجي اليوم وبلدنا تنضف من الحيوانات اللي سايبة في الشوارع ومفرجة علينا الأمم...

برافو ياعلاء و Go on ياكل بنات مصر وأوعي تخافي او يتهز لك رمش، أنتى قوية بما يكفي علشان تدافعى عن نفسك وفيه مواقع وبرامج كتير بتعلمك ازاي تعملى ده من غير ماتحتاجى لقوة جسدية جبارة!!

وانا هاحاول احط لكم اللينكات دي هنا في البلوج ان شاء الله...