Manal and Alaa's bit bucket free speech from the bletches

منتهى القذارة والسخافة ونكران الجميل.جهل وغباء وخيانة غريبة تتصف بها معظم هذه الردود.لماذا أشار علاء إلى هذا الموضوع تحديداً بعد كل هذه المدة؟..ليه يا علاء؟..ما أعتقده أنك محموق لناس انت بتعتبرهم اصحابك ووقفوا جنبك في محنتك..،وعلى فكرة الدستور كلها كانت كده برضو.انت بتقول ان الناس اللي بتدافع على ابراهيم عيسى هي اللي بدأت الشتيمة؟..عيب يا علاء.راجع تاني التعليقات من الأول وشوف مين اللي بدأ يشتم في بلال فضل وفي ابراهيم عيسى وبالأب و الأم..،وشوف مين اللي بدأ يتهم البنات في أعراضهم.نيجي للموضوع الأصلي.لا ابراهيم عيسى ملاك وعلى كتفه جناحين ولا هو شيطان بينفخ نار من يقه..ده بني آدم زينا.

مش بدافع لأني أقل من إني ادافع عنه لكن واحد معرض في أي لحظة للسجن أو التعذيب أو القتل أو الاختطاف أو التشريد ..،وشخص يتحمل ضغوط كثيرة ولا يريد أن يحني رأسه لها أبداً هو جبل بكل المقاييس.الدستور هي اللي علت سقف الحرية في الصحافة المصرية وهي اللي خلتنا نعرف ناس ما كناش نعرفهم قبل كده وبالتالي الدستور فعلاً هي اللي عملت الناس دي..حد يقولنا من المعترضين على المقولة دي هو كان ايه وبيشتغل فين والشكك بتاعته عاملة ازاي في قهاو وسط البلد.حد من الناس اللي عندهم مبادئ وبيحضروا اجتماعات التحرير وهما لسانهم في بقهم وما بينطقوش نص كلمة حد منهم يقوللي ليه بيعمل هنا شجيع السيما وبيكتب بأسماء مستعارة..طب ما يورينا اسمه الحقيقي ويطلع بني آدم محترم عنده موقف بدل ما يخلينا نكتشف هو مين من أسلوبه الركيك اللي بيحاول يغيره واللي ساعات بينتحل صفة بنت عشان ما يتعرفش..كلهم معروفين وبيضحكوا في وشي في الجرنان وانا عارف كويس انهم مش نضاف.كل هذا الكم من الشتايم والسفالة والقذارة وقذف المحصنات لدوافع فردية ولأن الفلوس قليلة..يا أخي اعترض بأدب ولو عايز حتى ترفع قضية ارفع ولو مش عاجبك المكان سيبه أحسن بدل ما تبقى هناك عامل زي الكلب وبتقول حاضر و نعم على حاجة بتيجي هنا وتفتح صدرك علينا وتفضل تقول فلان صفته ايه وعلانة بتنام مع مين.أنا حزين جداً من هذا المستوى..،والناس اللي بتفترق وهما كانوا اصحاب لازم يفترقوا بالمعروف..خالد البلشي ليه حق يروح يطلبه ..،وانا عارف انه طلبه بالذوق و ما نفعش - أو زي ما هو بيقول للناس والكلام بيلف - اديني سبب واحد بأه يا خالد يخليك ما تصعدش الموضوع في حاجة من حقك..هي ايه العبارة بالظبط..،يا أخي اللي مش باقي عليك ما تبقاش عليه طالما انك شايف انك مظلوم..،ومحاولات تهدئتك للموضوع في المدونات لن تجدي فالكثيرون أصبحوا يتكلمون بلسانك..يا أخي وحياة علي خلص الموضوع ده بهدوء.الناس اللي ليهم حقوق ما يطلبوها تاني و تالت..اللي اعرفه ان اللسان الحلو بيرد الحقوق لاصحابها..،واقصد باللسان الحلو الأدب و الأخلاق مش النفاق و الموالسة..اعملوا مصالحة مع ابراهيم عيسى واللا اطلبوا اجتماع عام معاه ومع عصام اسماعيل فهمي .وهذا الكلام الذي تسرب إلى المدونات ووصى عليه ناس بأن ينزل في المدونات بهذا الشكل مصدره معروف..،وللأسف هذا الوسط ما تتبلش في بقه فولة و كله بيتكلم على كله.الأخ زنجولا وزميلته التي تدافع عنه..يا أخي طب ما ترحمنا من التعليقات دي وتحذف الموضوع..إيه اللذة في استمرار هذا الموضوع..،وما حدش ييجي يقول على لسانك انك مستاء وانك مش فاضي..ما انت لسة بتنزل موضوعات عادي جداً.

يا ناس خلو عندكم حياء من ربنا طالما ما عندكمش حياء من الناس ولا من أنفسكم وحسبي الله ونعم الوكيل.وبالمناسبة..اللي بيشتموا انا عارفهم..،وعارف كمان ان فيه البعض بيسخنوا الموضوع من غير ما تكون ليهم أي حاجة في الموضوع..،وعارف برضو بعض الناس اللي بتخش من روزاليوسف وبتحريض من الأمن..كلهم ريحتهم باينة من ردودهم..،وطبعاً منتظر منهم شتايم للصبح لكن لن أرد على الشتيمة بمثلها أبداً..،ومرة أخرى حسبي الله و نعم الوكيل..أما الأستاذ ابراهيم عيسى والذي لن أصدق عليه أبداً ما يقال فأتمنى أن تكون هناك في القريب العاجل مصالحة عامة..،وكل الناس اللي مشيت ترجع تاني بصيغة ترضي جميع الأطراف..الدستور حاجة كبيرة أوي عند ناس كتير يا جماعة وفعلاً كانت سبباً في شهرة ناس كتير وفتح بيوت ناس كتير.أقول قولي هذا و أستغفر الله لي و لكم