Manal and Alaa's bit bucket free speech from the bletches

اخى الكريم ...لو حنتكلم عن الاضطهاد بجد بقى وعاوز تتكلم كلام مظبوط فكلنا فى مركب واحد ولا مسيحى مستريح ولا مسلم مستريح......انت بتروح الكنيسه زى ما انت عاوز بتصلى وقت ما تحب مش بترفع صوت جرسك ممكن لكن تدخلها فى الوقت اللى عاوزه ...لو قارنا بالمسلمين حتجد ان اللى بيصوا=لوا الفجر بيتحطوا فى البلاك ليست واللى بيداوم على الصلاه بيتقفش ويتقال عليه ارهابى كان عمل ايه بتاع الفول والطعميه الغلبان اللى فارش فى الشارع عشان يمسكوه ويعتقلوه ويدولوا من المنقى خيار ....وكل دا عشان نزل يصلى العشاء......انت بتلبس براحتك تربى دقنك تقصها ..تقلع هدومك تلكمدها زى ما انت عاوز ...اى واحده بتتنقب بيتكتب اسمه وتتمنع من العمل وتنزل اعمال اداريه...ممنوع دخول الجامعه غير لما تكشف وشها بينما محدش بيقول البس هدوم وانت داخل لو انت مش لابس كويس...عاوز مشاهد كمان انت لو اتظاهرت حييجى حد من طرفك يخرجك لكن احنا بيعتقلوا ويتحبسوا فى السجون وتغتصب نسائهم وترمل وييتموا ابنائهم وكل ما لذ وطاب من القبح والوان العذاب....عاوز تعرف ليه المسلم ممكن يحقد عليك كمسيحى عشان انت شامم نفسك عنه على الاقل بتدخل مكان عبادتك براحتك لكن احنا رغم كتر اماكن عبادتنا وانتشارها فهى زى قلتها ..وممنوعه من الدخول بانتظام والا تبقى ارهابى وايد اسامه بن لادن اليمين....عاوز تعرف انكم فى رحمه عننا ..محدش يقدر يقولك شيل النص الفلانى فى انجيلكم ولا حط النص الفولانى....لكن احنا عندنا اوامر عليا من سيدنا بوش الله يحرقه باننا نحزف ايات الجهاد والتدين من القران...كمان الوزراء بتوعنا بيفتوا ويقولوا اخلعوا الحجاب ....اقدر انا اقولك انجيلك غلط ولا فيه حاجه مش مظبوطه اكيد لا ...بس احنا بيتقال على احاديث نبينا ملفقه وكاذبه ...حد فينا شتم سيدنا عيسى ولا موسى ولا اهانه بنصف كلمه اكيد لا عشان احنا مؤمنين بيهم زى ما انتم مؤمنين بيهم ...بس عد الناس اللى بيشتموا فى الاسلام وفى نبينا .......تعرف مين خلق العنف واحد زى زكريا بطرس اللى شغله الشاغل ينتقد فى القران ....اللى طلع اكثر من قسيس من قساوستكم وكفروه وقالوا انه لا ينتمى للمسيحيه....عاوز تعرف دينا بيقول ايه عنكم والنبى اللى بيتشتم دا قال ايه فى حقكم (قال رسول الله صلى الله عليه وسلم)...من اذى زميا فقد اذانى...يعنى اللى ياذى مسيحى او يهودى يبقى اذى نبينا الكريم صلوات الله عليه ...خدها منى كلمه لو دورت على شىء تحب الناس بيه حتلاقى كتير لكن لو دورت على كيفيه الكراهيه مش حتغلب......بص صح واعرف مين اعدائنا ومين اللى ظلمونا مسيحين ومسلمين ..النظام الفاسد الذى يدعوا لعدم انتشار الاديان بين الناس سواء مسيحيه او اسلام لانه اذا طبقت المسيحيه والدين الاسلامى بشكل صحيح فسوف يحدث وعى وتحاب واخاء بين الناس وهذا ما لا يريدون حدوثه....واللى بيروح يستعين بامريكا ودول اوروبا عشان ينقذوه انا بقوله مش حينفعوك واقرا التاريخ الصليبى واهداف الحمله الصليبيه قديما اهداف معلنه واهداف خفيه وشوفهم عملوا ايه غير الاضطهاد للجميع وشوف امريكا دخلت العراق مفرقيتش بين مسلم ولا نصرانى وشوف اسرائيل لما حاصرت الكنيسه باللى فيها ....احنا فى مركب واحده واذا حد حاول انه يعمل خرم فيها حنغرق كلنا وعاوز الحق بقى محدش مستريح فيكى يا مصر غير الحكومه والحاشيه ومتضحكوش على نفسكم وتوهموها بانكم متضهدين فجميع الشعب مضطهد وطالع عينه واحنا السببب لاننا اوجدنا ليهم الف مدخل من فرقتنا........دعوا الدين لله وليحى الجميع فى الوطن يرضى كلا منهم بقسمته وما قدر له نحن متساوون فى الرؤؤس ومحدش احسن من حد