Manal and Alaa's bit bucket free speech from the bletches

الأخوة الأفاضل بلاش فى زحمة المجاملات ننسى الحقيقة والحقيقة ان مصر دولة اسلامية لان 94.1% من شعبها مسلمين حسب آخر احصائية وعلى فكرة دى احصائية الامريكان اللى عاملينها ، وفى اى بلد فيها اغلبية لازم يتاخد فى الاعتبار ان معظم الوزراء والمسئولين واعضاء مجلس الشعب وغيره هايكونو من الاغلبية دى ، ورغم كده انا شايف ان تمثيل الاقباط مبالغ فيه كمان يعنى زايد عن اللزوم وعارفين زايد ليه لان الحكومة عاوزة تورى للعالم انها حكومة مش بتفرق بين مسلم ومسيحي والحقيقة انها حكومة بهايم لان اللى يدور على راى الغرب قبل راى شعبه يبقى حمار رسمي وبردو بلاش ننكر ان فى شوية جهلة ومتعصبين مسلمين ساعات بيسيئو للاقباط بردو عارفين ليه لانهم مش متدينين ومايعرفوش دينهم كويس دين الاسلام دين عالمي يقبل الآخر ويقارعه بالحجة ويحفظ حتى حق الكافر مش الذمي بس وبردو شايف ان الريس لما يقرر ان يوم 7 يناير اجازة رسمية بلاقى فيها مبالغة مالهاش لزوم ومااعتقدش ان ده اللى عاوزينه النصارى ، ياسيدى المسلمين عايشين فى الغرب وبقوانين الغرب ماحدش عدل القوانين لارضائهم مع ان نسبتهم فى بعض البلاد الاوروبية اكبر من عدد الاقباط فى مصر لكن المسلمين مبسوطين هناك عارفين ليه لان القانون فوق الكل اما هنا فى مصر فالموضوع ان الكل تحت الجزمة سواء مسلمين او اقباط ماعدا شلة المنتفعين والمسقافاتية والله يخرب بيت ام اللى كان السبب والله يرحمك ياسادات