Manal and Alaa's bit bucket free speech from the bletches

محدش فيكو كلف خاطره ورد على التوبيك بتاع علاء وانا شايفه ان بلدنا هتفضل متخلفة طول ما في ناس في الحكم وفى البلد زي الناس اللى نازله شتيمة فى بعض

بصراحة برغم اعتراضى على اسلوب نكنيف وهجومه الشرس على دينا لكن شايفة ان مفيش حد جاوب علي تساؤلات نكنيف وعجزنا عن الاجابة مش لشيئ غير اننا مش فالحين غير فى الشتيمة وتوجيه الاتهامات وده مش دفاع عن اسلوب نكنيف لكن نفسي افهم انتم نازلين شتيمة فى الناس وسايبين الاسئلة بدون اجابات ليه؟؟؟؟؟ لا حد بيجاوب على اسئلة علاء وناسيين التوبك بيتكلم فى ايه!!! وفي نفس الوقت محدش منكم جاوب علي تساؤلات نكنيف!!! بتقولو انه بيحجب اجاباتكم طب ليه ماحجبش اجابتى ورد عليها كمان؟؟؟

وبفرض انه حجب اجابتكم لان اكيد كان كلها شتيمة محدش فيكو رد على تساؤلاته هنا ليه؟؟؟ ولا علاء هو كمان بيحجب ردودكم؟؟؟

انا شايفة انكم شوية عيال هايفة وقاعدين تردوا على بعض علشان تدارو خيبتكم!

والله انا فعلا حاسة بمرارة من كل حاجة في بلدنا هما المسيحيين دول مش مصريين زينا علشان نتعدي على كنايسهم؟ ليه اضطهاد ناس عايشه في حالة؟

امال لو كانو بيعلقو ميكروفونات علي الكنايس وبيقولو فيها ان المسيحية هي دين الحق وان الدين عند الله المسيحية كان هيجرالهم ايه؟

الدفاع عن الدين مش بالجعجعة وقلة الادب والهجوم علي الكنائس وقتل الناس وارهابهم

حجاب ولبسناه عشان نحمي نفسنا من قلة ادبكم وتعليقاتكم القذرة وبرضو مش كفاية!!! انتم عايزين ايه بالظبط؟؟؟ سيبو الناس تعيش في حالها والدين له رب يحميه