Manal and Alaa's bit bucket free speech from the bletches

الغريب .. و اللي تستغربله ان التعليقات اللي بتتكتب دي علاء او منال يقدروا يشيلوها بسهوله ... و بالرغم من ان فيها كلام عيب اوي الصراحة ... كلام ميتقالش بس هما سابوة ... اكيد طبعا مش معجبين بيه .. محدش يحب يسمع شتيمته .. و لا شتيمة مراته بودنه و يقدر يمحية و يخفيه و ميعملش حاجه .. لكن سابوة .. تفتكروا ليه يا جماعة ... الناس دي و بالرغم من اختلافي انا شخصيا معاهم الا انهم مؤمنين باللي بيعملوه

هما مش شايفين فيه حاجة غلط بل و الأكتر من كده ضربوا مثال حي عن مدي الحرية اللي هما مؤمنين بيها ... و مكمموش الأفواه و مشالوش تعليقات مهما كانت قبيحه و بتعبر عن اخلاق كاتبها .. و ده سبب اعجابي بيهم بصراحة .. اما عن موضوع الصورة .. فليه عتاب واحد عليك يا علاء انت و منال برده .. انا عارف ان المدونه دي بتاعتكم .. بس بقت من الشهرة ..و القوة اللي خلت بعض الناس يعتمدوا عليها في الأخبار العامة و بالتالي بقت فعلا شئ عام و بيعبر عن احلام و طموحات كبيرة .. اكبر بكتير من رحلة طلعتوها في شم النسيم .. حياتك الشخصية انت و مراتك ده شئ ميهمش حد ..استمتع بالطريقه اللي تشوفها صح ..و علي البحر البسوا مايوهات كما يحلو لكما .. انتوا احرار .. بس في مكان عام ..و في موقع بقي بهذة الأهمية .. معتقدش يكون مناسب صورة زي كده تبقي موجوده... و الا انا غلطان يا جماعة