Manal and Alaa's bit bucket free speech from the bletches

كان إيه ممكن يكون

لو إنك إعتصمت بالسكون

واحتميت باليل والقمر

وحضنت قلبك فى المطر

ومسكت بايديك الشراع

ومنعت حلمك من الإتساع

حطيت مكانهم قول حجر

عضم لحم ما بيحسش

غنيت غناوى ما تتحسش

وراهنت على موت البلاد

وراهنت على إن الولاد مبيفهموش

وحلمك البكر مايحققوش

نومك فى الزنازين الحجر

وصراعك للوحوش

كان إيه ممكن يكون

لو إن إعتصامك بالسكون

كان هو المبدأ و المنتهى

لو يوم ما شاع جيش أبرهه

فوق جدار البيت

كنت إنكفيت

وكنت إحتميت بحته ضل

ويبقى هو الإختيار

يصبح لك فى الكون جدار

يحمى الراجل العجوز

شيل هموم العمر التقيل

وطعم المرار

المســـــــــــاله

يوم ما شفت المعضله

إخترت أعقد حلول المشكله

وشلت فوق سنك سنين

وحلمت حلم ولادها الطيبين

وفردت الجسم النحيل

بعرض الحلم

فى عيون الفلاحين

وعرض إبتسامتك فى اللحن الحزين

وعرض عشقك يا بهيه

وعرض حبك يا ياسين

وعرض المسافه ما بين القول

وفعل القول

يقتلنى

إنك تعيش مقتول

ويوم موتك يا إمام

تمووووووووووووووت مقتوووووووووول

مشكلته أنه هو كان بيحس بصحيحما دورا على سلطه وكام ألف جنيه

"كتبت لذكرى عم امام رحمه الله"

ايهاب