Manal and Alaa's bit bucket free speech from the bletches

بصراحة مش خايف من اللي بكتبه هنا لأن جرايد المعارضة بقت بتكتب كده و أشد كمان و تأثير الصفحة دي أقل بكتير من تأثير أكتعها جرنان

لكن مش هدحك عليك و أقولك مش خايف، لا يا سيدي خايف جدا و مذعور كمان، كل مظاهرة يمكن ننضرب يمكن يتقبض علينا يمكن حتى نتقتل

بس لما أفكر فيها شوية ألاقي أن حالات اللي البوليس لمهم و عذبهم عشةائي كده كتيييير، حالات اللي اتقتلوا في الأقسام لأسباب واهية كتييييير

يعني المشي جنب الحيط مش هيخليني أبطل أخاف، ممكن في أي لحظة ظابط ابن كلب يمسكني و يبهدلني، يعني خايف خايف طول ما أنا عايش في مصر

يبقي بذمتك مش أخاف بسبب حاجة أنا اخترت أعملها و مقتنع بيها مش أحسن من أني أخاف من حاجة غامضة و غير متوقعة و ما ليش أي دور فيها؟

ياجماعه الفبقسه مش فلى شرم الشيخ بس الفلقسه ماليه ربوع المحروسه من اسكندريه لاسوان هى الحكومه لما تاخد من فلوس الزباله وناتقدمش اى خدمه فلقسه ولا مش فلقسه ....لما تروح المرور وتيجى تدفع الرسوم وياخدوا منك 4ولا خمسه جنيه بلطجه ولا مش بلطجه.....لما تيجى تقدم على وصلة نور لشقه جديده يدفعوك دم قلبك ثمن التكسير والاسلاك والعمال....ولما تشتكى من تاخرهم عليك قوللك روح انت جهز كل حاجه واحنا هانيجى نوصل النور وبالتالى تبقى دفعت ثمن الحاجه مرتين.....لما تكون معوق زى حالاتى والقومسيون الطبى الخاص بالمرور يقر بقدرتك على القياده وتيجى اللجنه الطبيه الخاصه بوزارة الصحه وترفض الموافقه بدعوى انى لا استطيع القياده مع انى والله العظيم بسوق وعندى عربيه يعنى كده بالبلدى القصد هو حرمانى من استيراد سياره من الخارج............بلطجه ولا مش بلطجه.......لما الحى يأجر الشارع والله الشارع المتر بجنيه للورش مع انهم ولا معاهم رخص ولا اجراءات سلامه ولا اى حاجه العمليه ماشيه كلها بالفلوس وعينى عينك....بلطجه ولا مش بلطجه خلاص انا قربت اكره نفسى والبلد والله

توقيع واحد تعبان قوى