Manal and Alaa's bit bucket free speech from the bletches

تم اضافة قوائم ناخبي دائرة العطارين و اللبان لقاعدة بيانات الناخبين.

لو أنت من المنطقة تقدري تبحثي عن اسمك لتعرفي لجنتك الانتخابية، لو أنت من مواليد 1982-1986 و محل ميلادك في العطارين يبقى احتمال عالي تكون مسجل و تقدر تنتخب روح دور على اسمك.

الأهم دلوقتي هو أن تنظيم الجداول في صورة قاعدة بيانات يسهل البحث فيها سمحلنا بالفعل أننا نرصد تجاوزات في امبابة (مجرد ترتيب الجداول بالاسم بيظهر الأسامي المكررة مثلا).

عاوزين نستغل الفرصة دي بحيث قبل ما نوصل لانتخابات مجلس الشوري تكون الجداول اتنضفت تماما، محتاجين تعاونكم في جمع جداول كل الدوائر، اتصل بمرشح المعارضة أو الاخوان بمطقتك و اطلب منهم نسخة من الجداول و ابعتهالي.

و يا ريت الأخوة بتوع الأخوان اللي سبقونا في الشغل ده يكونوا مهتمين زينا بموضوع تنقيح الجداول مش بس بخدمة الناخب.

أنا معي بالفعل جداول الجيزة لكن للأسف في صورة مختلفة عن باقي الجداول و معنديش وقت أكتبلها سكريبت مختلف دلوقتي.

• الموضوع الأصلي : خدمة انتخابية - قاعدة بيانات الناخبين